Ego Urso de Ogiano, de eadem terra Camarde, presenti puplico fateor instrumento quoniam in presentia
Nicolai de Pomarico, Camarde iudicis
,
Francisci de Iohanne
, puplici eiusdem terre notarii et testium subscriptorum … de eadem terra … vendidi ac per fustem liberando transactive tradidi magistro Simeoni Neophido, de Camarda
, domum unam meam cum orto uno sibi contiguo, sistenti retro domum eandem et cum fovea una, sistenti ante domun eandem, quam habebam … in eadem terra Camarde, subscriptis finibus designatam, pro unciis tribus, tarenis septem et medium … Cuius predicte domus et orti hii sunt fines, videlicet primus finis est paries proprius introytus et exitus eius et platea propria ante se, in qua platea comprehenditur fovea supradicta; secundus finis est paries proprius et via puplica et protenditur ipse paries recta linea usque ad sepem orti predicti et deinde sepis ipse proprius circumdat ortum ipsum usque ad sepem communem inter ortum ipsum, ortum
presbiteri Angeli
et ortum Salerni; tertius finis est paries proprius; quartus et ultimus finis est paries proprius et strictola communis inter ipsam domum et domum Salerni, ex qua strictola est introitus et exitus orti predicti … Quapropter … guadiam ei[dem, magistro Simeoni et] fideiussores constitui Nicolaum de Thomasio et Riccardum de Solomagno … Quod si facere et adimplere noluerimus vel nequiverimus ego vel mei heredes, obligo me meosque heredes dare et componere sibi vel suis heredibus pene nomine augustalia auri duo et totidem curie …
