[c. b2r] De Horatii Persii. Vincentiade. F. Pauli Caputi a Matera Capucini Carmen.
Pellæus iuvenis felicem dixit Achæum
Sortitum claram famigeramquem turbam.
Quæ cecinit doctæ, ac dulcis modulamine vocis
Et belli, et pacis fortia gesta viri.
Græco sed minime Vincentius inudit æri:
Nam se plus celebrem Persia pluma facit.
Præpetibus pennis Vincentem tollit in astra
Vincere qui docuit prælia trina virum.
Præmonstrans illis cœlestis gaudia palmæ,
Quodque sit extremo urna movenda die.
Tunc Persi stabunt obryzo fixius auro,
Et monumenta tibi dignaque vate stipis.
Cui non cantatur satyri, vel mollis Adonis,
Auris indignis tangere christigenum.
At pietate viri præsignes, symbola lecta
Isacide gentis militæque Duces.
[c. b2v] Eiusdem ad eundem. De mercede, quam Persius a D. Vincentio pro celebratis eius encomijs, Carmen.
Reddere si quadrat, quicquid lex talio mandat
Quæ vult lædentem pro dente rependere dentem,
Est quoque condignum benefactis esse benignum:
Quin in re grata iura excedunt bonitate.
Et si mortales, solvendo sunt sibi tales,
Quid tu Vincenti tua gesta rite caventi?
Victor cœlestis non tantum ornabis honestis,
Verum his thesauris oculus quos nescit et auris.
Hi tibi nempe rati, possunt et crescere Horati,
Nam gradus haud unus, pendet pro pulvere munus.
