Arenghe di Federico II

Cum regalis clementie nostre propositum sacrosanctas ecclesias et loca venerabilia divino cultui dedicata generali disposuerit benignitate fovere, illis tenetur magis adesse cenobiis et ad eorum defensionem et incrementum munificentiam extendere principalem, in quibus propaganda religio servorum dei sedulo cultu viget celebris honestatis. [Inde] siquidem est, quod, cum regi regum, de cuius manu regni diadema suscepimus, debitores nos esse cognoscamus, dignum ducimus servis suis sub sacre religionis proposito militantibus [ad eorum] quietem nostre defensionis tutelam impendere atque ipsis nostre liberalitatis gratiam aperire.