Arenghe di Federico II
date
Ottobre 1220
title
Arenga 216
author
summary
Federico conferma al monastero florense di San Giovanni in Fiore, fondato dai suoi genitori, i vasti possedimenti e le libertà ricevuti dai suoi predecessori e da lui stesso, stabilendo che una revoca generale delle precedenti concessioni e conferme nel regno non debba arrecare loro danno.
bibliography
- MGH DDFII.4, documento 685, pagina 72
- MGH, Diplomata Friderici II (1198-1231)
teibody
Illis potissimum votis et petitionibus
Illis potissimum votis et petitionibus amat dignitas regalis annuere, que cum temporalis laude iustitie multiplicant fructum retributionis eterne, quod geminum glorie decus in uno simul assequimur, si in aliquo precipue pietatis opere progenitorum nostrorum studiis inheremus. Sane cum monasterium Floris in Sila Calabrie a divis quondam parentibus nostris plantatum, decenter latitudine prediorum ac utiliter decoratum et usuum perpetuitate ligatum deo dante piis actibus incrementum, sacre religionis odorem et propaginis ubertatem ad salutem suorum ediderit fundatorum, nos, qui paterne glorie deo cooperante successimus, erga tante pietatis opus paterno iure propositum devotionisque studium imitamur et plantationem, quam divorum tam illustrium augustorum religiosa pietas propagavit, tertio nostre gratie titulo velut per necessaria utilitatis fomenta complectimur, ut, quia funiculus triplex difficile rumpitur, cum illorum auctoritate nostre confirmationis agglutinata soliditas nullo unquam tempore dissolvatur.
notes alpha
notes int