Petrus de Vinea, Epistolarum libri VI
date
1220-1250
author
title
Ep. V 110 (Auberti Iohannis de..., fidelis imperii...)
summary
Federico II ordina a un podestà di fermare l’ingiunzione di pagamento della decima dovuta alla corte emanata contro Alberto di Giovanni di …, in quanto costui ha distribuito tutti i suoi beni tra i creditori.
bibliography
- L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, pp. 974-5
- Par. lat. 8563, f. 85v
teibody
Potestati, quod is, qui bona sua inter creditores distribuit, ad soluendum decimam curiae non cogatur.
1. Auberti Iohannis de..., fidelis imperii, nobis oblata petitio continebat, quod, cum ipse plures creditores haberet, uidens bona sua ad suorum solutionem non sufficere debitorum, inter creditores eosdem tam pro quantitate bonorum suorum quam pro quantitate debitorum ipsorum sine ulla prolixitate causarum promisit distribuere bona sua. Nec ideo sibi remansit aliquid, unde ducere ualeat uitam suam. 2. Vos, seu iudex uester, sibi impotenti et indigenti ad instantiam creditorum suorum precepta, sicut dicit, facitis de soluendo. Ob quae precepta de uestro mandato compellitur soluere decimam nostram curiam contingentem. 3. Cum igitur A. predictus sibi supplicauerit secundum iustitiam prouideri super predictis, uobis imperiali auctoritate mandamus, quatenus, si uobis constiterit de premissis, diligenti cautione prehabita, quod egeat, a preceptis huiusmodi faciendis, ut iustum fuerit, desistatis, ne ulterius dictus A. coram nobis cogatur iterare querelam.
notes alpha
notes int