Petrus de Vinea, Epistolarum libri VI
date
1220-1250
author
title
Ep. V 116 (Pridem contra moniales quasdam...)
summary
Federico II ordina a un ufficiale di ripetere l’indagine, già insufficientemente svolta da …, podestà di Cremona, sulle accuse rivolte ad alcune monache del monastero di Santa Giulia di Brescia, e di cacciarle dal monastero, incamerandone i beni, nel caso di colpevolezza.
bibliography
- L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, pp. 985-6
- Par. lat. 8563, f. 86r
teibody
Inquisitio facienda supra quibusdam articulis contra moniales.
1. Pridem contra moniales quasdam monasterii Sancti Iuliani in Brixia, super quibusdam articulis, quos tibi mittimus presentibus interclusos, per …, Potestatem Cremonae, fidelem nostrum, cui exinde scripsimus, inquiri mandauimus ueritatem. 2. Cumque per inquisitionem eamdem non fuerit nostro beneplacito plenarie satisfactum, propter quod inquisitionem de ipsis uolumus iterari, fidelitati tuae precipiendo mandamus, quatenus inquisitionis predictae suffragio cum alio studio, auxilio et sollicitudine tua, ueritate de hiis diligentius inquisita, si moniales ipsas super premissis inueneris culpabiles extitisse, eas de locis eiusdem monasterii, Cremonensis episcopatus uidelicet, statim eicias, et bona ipsarum omnium ad opus curiae nostrae capias et fideliter facias procurari. 3. Si autem per inquisitionem, quam inde te facere uolumus, eas forte repereris super predictis articulis innoxias, cum pena tenere non debeat, quos culpa non grauat, monachas ipsas in locis predictis morari salubriter patiaris, bona earum omnia pacifice percepturas. 4. Interim uero, dum de predictis ueritas inquiretur, moniales ipsas in aliquo non molestes nec patiaris in aliquo molestari. Quicquid feceris de predictis, nostrae curiae rescripturus.
notes alpha
notes int