Petrus de Vinea, Epistolarum libri VI
date
1249 (?)
author
title
Ep. V 131 (Fidelium nostrorum eterna memoria...)
summary
Federico II ordina al secreto del regno di Sicilia di non assumere il tutoraggio della figlia del suo fedele Giovanni di Messina, da poco morto, ma di lasciarlo al di costui fratello P., e di aiutare in tutto e per tutto gli eredi di Giovanni.
bibliography
- L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, pp. 1014-5
- Par. lat. 8563, ff. 88r
teibody
Secretario Syciliae, ut faciat restitui bona patris proditoris filio fideli.
1. Fidelium nostrorum eterna memoria, nostro recondita pectori, quamquam, natura suum officium exequente, per solutionem debiti carnis ab obsequiis nostrae deuotionis quiescat, ex fonte tamen nostrae ac innatae clementiae liquidum fauoris riuulum, quem pater omnium ex gratia meruit, humana et benigna compassione percipimus diriuari misericorditer ad heredes. 2. Sicque in perpetuum apparent uiuere, dum in Domino mors eorum et merita in hominibus reponantur. 3. Vt autem noueris fidem Iohannis de Messana, nostri fidelis, in beneplaciti nostri opere claruisse, cuius obitum nobis displicuisse reserare dignamur, ex meritis, quae in eo uiuente perpendimus, dum ex fide memorialiter uiuit in nobis, uolumus, et presentium tibi auctoritate mandamus, quatenus de balio filiae et heredis Iohannis predicti, te nullatenus intromittens, ipsum per P. fratrem eius, fidelem nostrum, constitutione a nobis super hoc edita non obstante, de speciali gratia nostra geri et procurari permittas. 4. Predictis fratri et heredibus suis, fidelibus nostris, in eorum uiribus, personis et rebus, ob defectum eiusdem Iohannis iniuriam uel grauamen inferri aliquatenus non passurus. Immo in omnibus, quibus honoris nostri zelus et fides prefatos defendi et manuteneri uoluerit, eis studeas ob maiestatis nostrae reuerentiam adesse.
notes alpha
notes int