Petrus de Vinea, Epistolarum libri VI

date

dicembre 1248

author

Petrus de Vinea

title

Ep. V 55 (Thomasius de Sabaudia comes, dilectus...)

summary

Federico II ordina a un capitano, su richiesta di Tommaso, conte di Savoia, di liberare una serie di prigionieri, di pertinenza del conte stesso, come già richiesto in una precedente missiva.

bibliography

  • L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, pp. 976-7
  • Par. lat. 8563, f. 79v

teibody

Eidem, de captiuis liberandis iuxta priorum continentiam litterarum.

1. Thomasius de Sabaudia comes, dilectus affinis et fidelis noster, suis litteris nostrae exposuit maiestati, quod, licet apud Taurinum ad ipsius supplicationem tibi dederimus in mandatis, ut quosdam captiuos, quos ad se pertinere nunc asserit, deberes a carceris uinculo liberare, tu postmodum plures alios captiuos, de quibus maiestatis nostrae mandatum simile recepisti, liberare, prout ipse descripsit, penitus obmisisti. 2. Ob quorum liberationem, quia comes prefatus nuper serenitati nostrae humiliter supplicauit, fidelitati tuae precipiendo mandamus, quatenus, si est ita, iuxta formam mandati nostri eosdem captiuos a nexibus carceris absoluere non obmittas.

notes alpha

    notes int