Petrus de Vinea, Epistolarum libri VI
date
settembre 1246
author
title
Ep. V 58 (Deuotionis tuae litteras, quas...)
summary
Federico II risponde a un capitano del quale ha ricevuto mediante il messaggero P. di … una lettera. L’imperatore loda il comportamento del capitano e del suo messo nella cattura di M. di Borgo, podestà di Parma, preso insieme ad alcuni suoi familiari.
bibliography
- L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, pp. 881-2
- Par. lat. 8563, f. 80r
teibody
Capitaneo, commendat eum, quod cepit quemdam rebellem.
1. Deuotionis tuae litteras, quas per P. de..., nuntium tuum, nostro culmini destinasti, benignitate recepimus consueta. 2. Et intellectis diligenter tam hiis, quae eaedem litterae continebant, quam hiis, quae idem nuntius tuus pro parte tua nostrae exposuit maiestati, laudabile tuum studium et sollicitudinem condecentem, quae circa captionem M. de Burgo, qui pro anno presenti in Parma Potestas extitit, per nostram excellentiam ordinatus apposuisti, merito commendantes, tibi duximus taliter respondendum. 3. Quod M. memoratus, cum uno familiari suo, R. nomine, per nostram celsitudinem est in marestalla nostra receptus de celsitudinis nostrae mandato; quem suprascriptus P., nuntius tuus, cum compedibus ferreis et dextra in manu fideliter assignauit, eodem P., nuntio tuo, asserente, alium familiarem eiusdem M., nomine B., quem cum eodem M. et alio famulo suo ad nostram curiam per eumdem tuum nuntium destinabas, et de quo faciebant tuae litterae mentionem, per te tamquam innocentem a Casali … reuocatum et ad te remissum firmiter extitisse, sicut eidem tuis litteris iniunxisti.
notes alpha
notes int