Petrus de Vinea, Epistolarum libri VI
date
1220-1266
author
title
Ep. V 64 (Querelam B. de... uiduae, fidelis nostrae...)
summary
Il sovrano ordina allo stesso [capitano] di svolgere un’indagine sugli autori di danneggiamenti alla vigna della vedova B. di …; in caso di mancata identificazione dei colpevoli, il danno dovrà essere rifuso dalla comunità in cui si è verificato.
bibliography
- L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, pp. 892-3
- Par. lat. 8563, f. 80v
teibody
Eidem, quod fiat inquisitio de clandestinis dampnis illatis cuidam uiduae.
1. Querelam B. de... uiduae, fidelis nostrae, recepimus continentem, quod quidam malefactores, ad dampna clandestina intrepide animati, ea absente et pro suis negotiis in nostra curia commorante, quamdam suam uineam cum arboribus, in... sitam, ausu temerario inciderunt. 2.Nolentes igitur, ut propter impunitatem excessuum crescat audacia delinquendi, fidelitati tuae precipiendo mandamus, quatenus contra malefactores eosdem, ad quos inueniendos omnem, quam poteris, te uolumus sollicitudinem adhibere, inquisitionem facias diligentem, per quam, si poterunt inueniri, procedas mediante iustitia contra eos.3. Ceterum, si malefactores non poterunt inueniri, dampnum eidem mulieri illatum ab uniuersitate ipsius terrae, in cuius territorio dampnum extitit perpetratum, secundum iustitiam facias emendari: ne ob hoc iteratam querelam ulterius audiamus.
notes alpha
notes int