Petrus de Vinea, Epistolarum libri VI
date
1231-1250
author
title
Ep. VI 24 (Notum facimus fidelitati uestrae, quod...)
summary
Federico II concede a un suo fedele, dopo averne valutato la discendenza e la preparazione, di esercitare la professione medica in alcune regioni e ordina al suo corrispondente di vigilare sul fatto che nessuno osi essergli di intralcio.
bibliography
- L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, pp. 1092-3
- Par. lat. 8563, f. 93v
teibody
Concedit licentiam exercendi artem medicinae in quibusdam partibus.
1. Notum facimus fidelitati uestrae, quod …, fidelis noster, ad curiam nostram accedens, examinatus, inuentus fidelis et de genere fidelium ortus, et sufficiens ad artem medicinae exercendam, extitit per nostram curiam approbatus. 2. Propter quod, de ipsius prudentia et legalitate confisi, recepto ab eo in curia nostra fidelitatis et de arte ipsa fideliter exercenda iuxta consuetudinem iuramento, dedimus ei licentiam exercendi artem medicinae in partibus ipsis, ut amodo artem ipsam ad honorem et fidelitatem nostram et salutem eorum, qui indigent, fideliter ibi debeat exercere. 3. Quocirca fidelitati uestrae precipiendo mandamus, quatenus nullus sit, qui predictum fidelem nostrum super arte ipsa medicinae in terris ipsis, ut dictum est, fideliter exercenda, de cetero impediat uel perturbet.
notes alpha
notes int