Il Fondo Santa Lucia

date

1273 aprile 21, Ind. I, Matera

author

title

8

bibliography

  • Codice diplomatico di Matera, II, Il fondo Santa Lucia (1237-1493), ed. Francesco Panarelli, Galatina, Congedo, 2018, pp. 67-68
  • Regesto: Pedio, Le pergamene di Matera, p. 364.
  • Houben, I monasteri benedettini femminili, p. 53.
  • FF, f. 50. Del documento esistono due successive redazioni datate al 26 aprile e conservate in originale nell’ASV, che si differenziano dalla versione qui edita solo per l’inclusione della descrizione dei confini del tenimento di Castello Novo, per la introduzione di alcune clausole che sono già indicate nel codicillo inserito in chiusura della presente versione e per alcune variazioni nell’elenco dei testimoni; inoltre le due redazioni posteriori vengono rogate dal pubblico notaio Simeone di Matera; cf. quanto detto nella Introduzione testo corrispondente a nota 60.
  • ASM, Registro De Leo, cc. 71-73
  • Codice Diplomatico di Matera

teibody

† Anno domini nostri Iesu Christi incarnationis millesimo ducentesimo septuagesimo tertio. Regnante… Karolo, Dei gratia… Sicilie rege, ducatus Apulie et principatus Capue, alme urbis senatore, Andegavie, Provincie et Forchalquerii comite ac Romani imperii per sanctam Romanam ecclesiam in Tuscia vicario generali, anno regni eius octavo, mense aprelis, vicesimo primo eiusdem, indictionis prime.

Nos Goffridus Bovet , Francigena, magister omnium regiarum araciarum regni Sicilie, in presentia dominorum Iacobi et Grisanti, regalium Matere iudicum , Herasmi, puplici eiusdem terre notarii et testium subscriptorum … consentientes in eosdem iudices et notarium tamquam meos iudices et notarium, cum sciremus ex certa conscientia ipsos meos iudices et notarium non esse ac nos eorum iurisdictioni subicientes, fatemur quod soror Thopisten, priorissa ecclesie sancte Lucie monasterii monialium in Matera , cum toto conventu eiusdem monasterii concesserunt et tradiderunt nobis quoddam tenimentum terrarum ad ipsum monasterium spectans, quod dicitur Castellum Novum, quod tenimentum situm est iuxta tenimentum Spinacciole et distinctum per fines, qui in instrumento concessionis facte nobis per priorissam et conventum predictum clarius distinguntur. Verum quia priorissa et conventus predicti tenimentum ipsum nobis conditionabiliter concesserunt et ad annuum censum et velimus quod dictum monasterium exinde debitam a nobis habeat cautionem, voluntarie in predictorum presentia per vadiam et stipulationem sollempnem obligavimus nos in manibus predicte priorisse, recipientis pro parte monasterii supradicti, astante secum sire Arcibardo, predicti monasterii advocato et procuratore, nobis fideiubentibus eo tenore, quo in singulis annis demus et solvamus dicto monasterio pro predicto tenimento uncias auri quinque, videlicet in principio mensis madii uncias auri duas et tarenos quindecim in sequenti ultimo augusti, ponderis generalis; et nobis decedentibus ad eiusdem monasterii ius et dominium prelibatum tenimentum redeat, omni questione sopita et sine alicuius conditionis obstaculo, nullaque inde impetrata licentia, dicta priorissa pro parte dicti monasterii seu aliqua alia persona ad comodum ipsius monasterii potestatem habeat possessionem dicti tenimenti libere entrare, non expectato iudiciorum eventu et ad proprietatem adque dominium eiusdem monasterii totaliter tenimentum ipsum revocare et pacifice ipsum tenere, habere et possidere cum omni beneficio et melioratione, quod et que invente fuerint in eodem post obitum nostrum, sicut superius est expressum et si nos in vita nostra dictum dominium censum predicto monasterio solvere noluerimus vel nequiverimus, predictum tenimentum ad predictum monasterium redeat pleno iure et nichilominus si nos vel aliquis alius post obitum nostrum contra predicta venerimus modo quolibet vel ingenio, teneamur monasterio supradicto ad uncias auri decem et totidem curie pro pena solvendas, predictis nichilominus in suo robore duraturis.

così FF per annum Goffredo di Bovet, maestro delle aracie, cf. Introduzione testo corr. a nota 58.

Ad cuius predicte rei futuram memoriam et predicti monasterii cautelam presens puplicum scriptum de nostro rogatu factum est per manus predicti Herasmi, puplici Matere notarium , qui interfuit signo suo solito sigillo nostro, subscriptionibus predictorum iudicum nec non et subscriptorum testium subscriptionibus roboratum

† Iacobus regalis Matere iudex

† Grisantus regalis Matere iudex

† Iudex Saracenus

† Mattheus puplicus Matere notarius

† Antonius puplicus Matere notarius

† Ego Saxo filius Petri Mancini

† Iudex Symeon

† Iohannes Stephanus

† Franciscus iudex

† Stephanus puplicus Matere notarius

Si confici debet iterum presens instrumentum, non scribatur eo die, set post die secundo vel tertio coram iudicibus et notario puplico et testibus Spinacciole, in quo inserantur fines omnes tenimenti et inferius ubi dicit habere et tenere, si de voluntate domini Goffridi fuerit, apponatur cum medietate seminati et novalium et omni melioratione et beneficio, quod vel que, etc.

così FF per notarii Si veda quanto detto nella Introduzione riguardo i due documenti simili redatti il 26 aprile dello stesso anno.

notes alpha

    notes int