Nos Guglielmus Baruni iudex predicte Motte, Nicolaus Tropeanus regius publicus notarius per totum Iustitiariatum Calabrie per curiam ordinatus, et testes subscripti ad hoc vocati specialiter et rogati, presenti scripto publico notum facimus et testamur, quod Universitas hominum predicte Motte, et omnes et singuli homines Motte Placanice, ipius clerici et laici, in unum more et loco solito congregati, presenti ut asseruit quod reverendus presbyter dominus Petrus, Dei et apostolice sedis gratia archiepiscopus rheginus, et abbas Bisantius vicarius, nec non reverendus pater, dominus Iordanus squillacenses episcopus proposuerunt, et ut eidem universitate assertum fuerit, et proponunt contra eandem universitatem, ac singulos homines universitatis predicte, clericos et laicos universitatis ipsius, res et bona ipsorum hominum universitatis praedicte, excommunicationes et interdicti ecclesiastici sententiam promulgare, ipsamque universitatem, ac singulos homines universitatis, cum dictos clericos et laicos universitatis ipsius, ut predicitur res et bona eorum, enormiter et indebito aggravio ipse archiespiscopus rheginens, nec non vicarius sua aucthoritate, et idem squillacensis episcopos, ex delegatione seu mandato factis eidem per dominus rheginus archiepiscopus, nec non vicarius subscriptos, seu ordinaria iurisdictione, seu potestate ipsius domino squillacensis episcopi pro eo, quod predictus dominus archiepiscopus, seu eius vicarius asseruit, nobilem et egregium virum dominum Guglielmum Ruffum de Calabria, ipsius Motte et Veteris Brutiani dominum, teneri ad certum censum rhegine rcclesie pro terra dicta Palitii, et defuerat in solutione census predicti, in quo homines, omnes et singuli clerici, laici, universitatis cum dicte minime tenuuntur, nec tenentur, et est quod idem dominus archiepiscopus destituit, seu destitui fecit, officiales ipsius domini Guglielmi possessione, quorumdam bonorum stabilium sitorum in terra et tenimento Bove, eidem domino Guglielmo obligatum per Pancratium de Vito de Bova, ut asseruerunt et iustitia sue detur, vel alterum quod pro altero, per alterum iniqua conditio minime inferatur; que de predicta prelatione sententie, per quem plures comminationes inter rheginum archiespiscopum et vicarium, ac dominum episcopum et processus alios ipsius domini archiespiscopi et vicarii, ac dicti domini episcopi habentur et innotescunt, eisdem asseruerunt. Volentes adhibere future morbo commodam medicinam, constituti fuit et ordinavit in suum verum et legitimum sindicum, actorem, et nuncium specialem discretum virum Ioannem de Panormo de Squillacio, presentem et volentes dictam sindicationem sponte suscipientem ad conferendam se nomine, et pro parte dictorum constituentiam ad reverendum in Christo presbyterum dominum rheginum archiepiscopum, eiusque vicarium, et squillacensem episcopum supradictos, et appellandi ipsorum constituentium nomine a quacumque excommunicationis, vel interdicti sententia, et alio quocumque gravamine comminationibus etiam illatis, vel inferendis contra universitatem hominum Motte predicte, et singulos homines, clericos et laicos universitatis ipsius, eorumque familiarium, res et bona eorum per dominum archiepiscopum, eiusque vicarius, quam episcopus predictus eam inferant sive ratione nominatam superius, sive alia quocumque ad apostolicam sedem, et subveniendi dictam universitatem et omnis singulos, clericos et laicos universitatis praedicte, res et bona eorum, officia et beneficia ipsorum clericorum predictorum, et defensionem ipsius apostolice sedis, apostolos semel vel pluries sepe, et sepius instanter, et instantius petendi, et recipiendi, et ipsam appellationem si necesse fuerit prosequendi, et generaliter omnia et singula faciendi in premissis, et quolibet premissorum que quilibet verus et legitimus sindicus, actor, et nuncius specialis facere potest et debet, et que ipsi constituentes facerent, si personaliter interessent agendis, et ea tunc faciendi in quibus mandatum exigitur speciale. Promittentes dicti constituentes dicto eorum sindico, ac nuncio speciali, ac mihi predicto notario, pro parte et nomine omnium, quorum interest, intererit, et interesse poterit in futurum sub hypotheca bonorum suorum, se ratos, gratos, perpetuo habituros, et firmum quicquid per predictum eorum sindicum et nuncium in premissis, et quolibet premissorum actum fuerit sive gestum.
