Nos Ioannes de Morello iudex civitatis Rhegii, Nicolaus de Yeria de Rhegio, regius publicus ubilibet per totum Ducatum Calabrie regia authoritate notarius et testes subscripti ad hoc vocati specialiter et rogati. Presenti scripto publico notum facimus et testamur, quod coram nobis praetitutalto die, nobiles Berterandus de Malgerio de Rhegio, et Gregorius de Malgerio filius eius, cives et habitatores Rhegii, dictus Gregorius de consensu et voluntate dicti Berterandi privilegis suis, ut constitit non vi coactus non dolo, vel metu, aut suasione sed vetus nec per errorem ex eorum bona, grata, spontanea et libera voluntate, recipientes prius supra se omnem molestiam et contradictionem tam filiorum propinquorum et consanguineorum eorum quam externorum pure libere simpliciter et sint aliqua contradictione sponte vendiderunt, et ex causa venditionis ipsius per fustem tradiderunt, et assignaverunt, magnifico et egregio viro domino Guglielmo Ruffo de Calabria comitis Sinopolis, Veteris Brutiani domino, regio cambellano, consiliario et familiari et ipsum dominum comitem habere, possidere, per se et successores suos in perpetuum, ex causa venditionis, ipsius omnium bona eorum stabilia sita et posita in tenimento Brutiani quae se dixerunt habere, tenere et possidere pleno iure consistententia ut asseruerunt in terris cultis et incultis, nemoribus et arboribus domitis et sylvestribus, domibus, molendino diruto et speciali bona subscripta quae sita sunt ut asseruerunt in Terra Capistrelli et eorum tenimento quae sit limitantur ut dicti venditores asseruerunt:
incipiunt a vallono clausu et vadunt usque ad limitem territorium quae fuerunt quondam domine Margarite de Pavia et alia vadunt per Truarpa, iuxta ad Sellidum Clausu et tendunt ad limitem terrarum quae fuerint dicte domine Margarite et usque ad terram de Carusa et vadunt per Serram Serratam usque ad furnum ceramidarium et vadunt ad fontem de Pinzo et ad limitem ipsarum terrarum dicte quondam domine Margarite et abinde ad vallonum de Dimminiti et vadunt inde usque ad vineam de Cartella et abinde usque ad locum dictum de Bacco et ad ecclesiam Sancti Miliani et vadunt per restiam et costiam de Agrillusa usque ad locum molendini dictorum venditorum et ex parte meridie flumaria Sancti Luti et per flumariam, flumariam usque ad mare et abinde per maritimam, maritimam ubi iter captum est.
Item et quamdam salariam cum turris iis contigua et turris quae est retro ipsa salariam quae sunt ut asserverunt in predicta contrata sicut vadit ab angulo predicte salarie rette erga occidentem usque Remia costiarum et exinde vadunt usque ad vallonum de Pitarella, ut asserverunt venditores prefati dicta et integra bona ipsa cum omnibus, iuribus, rationibus, proprietatibus, introytibus, exitibus et pertinetiis omnium bonorum ipsorum et omnibus in eis contentis et existentibus pro pretio et nomine pretii unciarum viginti de carolenis argenti liliatis iusti ponderis sexaginta per unciam computatis. Quos uncias argentei in dicta pecunia dicti venditores presentialiter acceperunt et integre habuerunt coram nobis ad eodem domino comite emptore integre in pace et sine qualibet diminutione pro diffinito et stabilito pretio et integro pagamento omnium bonorum ipsorum, de quibus bonis venditis et in quibusdam venditores eumdem dominum comitem emptorem coram nobis ex ea causa in possessione induxerunt per fustem et per baculum investierunt.
Dantes et concedentes sibi authoritatem plenam, licentiam et liberam potestatem, predicta bona omnia vendita ex ea causa authoritate propria intrandi et capiendi corporalem possessionem ipsorum per se et alios nomine suo eaque tenendi, possidenti, utifruendi, et gaudendi et habendi de cetero per se, heredes et successores suos ipsoque etiam vindendi, donandi, permutandi et alienandi et de eis, et in eis, tamquam de re propria faciendi quidquid suae heredumque suorum placuerit voluntati precario iure titulo venditionis ipsius et omnia onera, omne ius, omnem proprietatem, possessionem et potestatem, omnesque actiones reales et personales, utiles, directas, et mixtas que et quas dicti venditores prius habebant et habent vel habere poterant seu habere sperabant et sperant quocumque iure, modo, vel causa in dicti bonis omnibus venditores a se et eorum heredibus et successoribus perpetuo alienantes omnino ipsa in eumdem dominum comitem emptorem, suosque heredes et successores, coram nobis ex ea causa perpetuo cesserunt et transtulerunt ut possit agere, excipere, replicare pacisci et comprehendere et omnia et singula utilia mixta et directa facere que quilibet verus dominus potest de re propria facere et que dicti venditores facere possent, si presentem venditionem et iurium cessionem non fuissent, precario iure et titulo venditionis predicte, quam venditionem et iurium cessionem et omnia et singula supradicta et infrascripta dicti venditores sponte convenerunt et promiserunt eidem domino comiti emptori, presenti et legitime stipulanti. Ac sponte iuraverunt ei ad Sancta Dei Evangelia, corporaliter tacto libro, rata semper habere, firma tenere, attendere, observare et in nullo contrafacere, vel venire per se, heredes et successores eorum, nec non dicti venditores defendere et discalumniare eidem emptori et heredibus suis proinde bona ipsa eidem domino comiti per eosdem venditores, vendita; ut praefertur ab omnibus et singulis personis publicis et privatis extraneis et coniuctis, ecclesiasticis et secularibus que persone assererent et dicerent actenus vel in scriptis se tam ratione donationis, et venditionis, quam rationem, permutationem, cambium, seu alterius alienationem et obligationem cuiuscumque nominis et vocabuli censeatur habuisse et habere, ius et causam, vel eisdem venditoribus, vel altero ipsorum in predictis bonis eidem domino comitis venditis ut predicitur vel parte ipsorum obligantes eidem emptori proinde dicti venditores omnia bona eorum. Remissa eidem emptori, per eosdem venditores necessitate, denunciandi, appellandi et appellationem prosequendi si dicti venditores contrafecerint in premissis vel aliquo premissorum sponte se et eorum heredes successores obligaverunt ad poenam dupli predicte pecunie regie seu condictam curie persolvendo per se et heredes suos solemniter promissa me predicto notario publico poenam ipsam pro parte curie cuius interest, vel intererint legitime stipulanti. Et tenere eidem emptori et heredibus suis proinde ad omnia damna expensas et interesse propter ea facta et facienda in curia et extra curiam, restituere, et reficere. Renunciantes proinde dicti venditores exceptioni doli, fraudis, ignorantie, metus, seu vis in factum, conditione sine causa, privilegium fori, restitutionis in integrum, deceptioni ultra dimidium iusti pretii et generaliter omnibus aliis iuribus et legibus constitutionibus et consuetudinibus scriptis et non scriptis, iure canonico et civili quibus contra predicta vel aliquod premissorum, dicti venditores venire possent vel se tueri vel iuvare vellent alii certe exceptioni, allegationi iurium modo, vel causa. Qua poena commissa, soluta, vel in totum, vel in partem, vel gratiose remissa predictis omnibus et singulis, suo robore perpetuo duraturis. In super nobiles mulieres domina Flori, uxor dicti Berterandi de Malgerio et domina Iacoba de Amantea uxor dicti Gregorii et nobilis vir abbas Malgerius de Malgeriis rheginus canonicus filius dicti Berterandi. Dicte domina Flori et Iacoba de iure communi romano viventes, non vis, coacte, non dolo, vel metu, aut suasione sed vetas nec per errorem sed eorum bona, grata, spontanea et libera voluntate predicta domina Flori et Iacoba et dictus abbas Malgerius in quantum spectabat et spectat ad eos sponte ratificaverunt et confirmaverunt et acceptaverunt, eidem domino comiti, predictam venditionis factam eidem domino comiti de omnibus bonis ipsis per dictos Berterandum et Gregorium venditore ut praedicitur et omnia et singula supradicta ut superius est expressum et sponte renunciaverunt eidem domino comiti emptori et heredibus suis si quid ius habent, vel habere possunt, seu habere sperabunt et sperant quocumque iure, modo, vel causa in omnibus bonis venditis ante dictis, vel partem ipsorum. Et ad maiorem cauthelam dicti domini comitis emptoris, predicte domine Flori, Iacoba et abbas Malgerius sponte convenerunt, tacto libro, predictam venditionem et omnia et singula supradicta ut praeliguntur, rata semper habere, firmam tenere, attendere, observare et in nullo contrafacere, vel venire per se heredes et successores eorum.
