Nos Sammarus Trani regalis iudex,
Leucius
eiusdem terre publicus notarius et testes subscripti licterati de eadem terra ad hoc specialiter convocati et rogati,
presenti scripto fatemur, quod Nicolaus Freczarius de
Venusio veniens coram nobis,
ostendit nobis subscripta duo sacra mandata domini nostri regis
Karoli
nec non et quasdam alias licteras Manfredi Malecti
olim dicti comitis, petens a nobis ipsa autenticari et in publicam redigi scripturam.
Nos autem qui supra iudex videntes mandata ipsa autentica in prima sui figura existentia
et capentia omni vitio et litura, munita etiam sigillo sacre regie maiestatis impresso in
cera rubea, nec non et predictas licteras similiter in prima sui figura existentes, carentes
omni vitio et litura, munitas etiam sigillo predicti Manfredi Malecti similiter
impresso in cera rubea, ipsa autenticari mandavimus et in publicam redigi formam per manus predicti
Leucii publici Trani
notarii, quorum mandatorum regalium continentia talis est.
Karolus
Dei gratia rex Sicilie,
ducatus Apulie et principatus
Capue,
alme urbis senator Andegavie
Provintie
et Forcalquerii comes,
Nicolao Freczario
de Venusio
fideli suo gratiam suam et bonam voluntatem. Volentes te preesse officio
custodie palacii et defensarum nostrarum sancti Gervasii, sicut hactenus profuisti, ipsum officium per te
pro parte nostre celsitudinis exerceri quousque in ipso officio alium duxerimus disponendum, fidelitati tue
precipiendo mandamus, quatenus in eisdem palacio et defensis eam curam gerere studeas, ut tua solicitudine
mediante nichil ex eis depereat set ad opus curie fideliter et utiliter conserventur, ex quo recipient
a quibuscumque occupatoribus et detentoribus ........ distractum ad quod occupatores et detentores
predictos ...... districtione compellas, et sic in ipso officio te geras sollicitum et actentum, quatenus
curia nostra ullatenus non ledatur, predictum vero palacium taliter studeas reparare in stratis vel locis
suis reparatione indigentibus ...... celsitudo. Datum Trani secundo aprilis none Ind.
Regni nostri anno primo Karolus
Dei gratia rex Sicilie etc.
Provintie et
Forcalquerii
comes, Arnulfo de Vitino et Nicolao Freczario de
Venusio
fidelibus suis gratiam suam et bonam voluntatem ........ esse custodiam palatii nostri
sancti Gervasii et defensarum ipsarum
partium fidelitati vestre mandamus, quatenus palatium et defensas ipsas ...... quamdiu consueverunt in antea ad honorem et
fidelitatem nostri culminis custodire curetis et in earum custodia cum omni diligentia intendatis. Datum apud
Lacumpensilem
quintodecimo aprilis none indictionis Regni nostri anno primo.
Manfredus Malecta
Dei et regia gratia Miney et frequenti Comes Montanee,
montis sancti Angeli dominus et Magnus regni
Sicilie Camerarius.
Nicolao de Venusio domini Regis vallecto dilecto familiari suo salutem et dilectionem sinceram.
Cum tibi de cuius fide prudentia et legalitate regia celsitudo plene confidit, et quem semper in regiis et nostris
servitiis paratum invenimus et devotum, custodiam palacii regii et defensarum omnium
sancti Gervasii que custodiuntur
ad presens per Guillelmum de Corneto familiarem nostrum, de regio beneplacito duxerimus committendam,
ut et defensas easdem diligenter et sollicite iuxta votum regium debeas custodire, devotioni tue mandamus quatenus ad palacium
predictum te personaliter conferens ipsum palacium et defensas a predicto Guillelmo, cui de ipsis tibi
assignandis nostre lictere diriguntur, recipere non obmictas.
In quorum custodia sic te prebeas sollicitum et attenctum, quod
semper commendationis apud excellentiam regiam invenias tibi locum,
et de diligentia more solito commendanda occurras. Volumus etiam
ut pro diligentiori custodia ipsius palacii et defensarum habeas tecum frusterii (sic)
equites quatuordecim et pedites octo
datum apud Ortam vicesimonono septembris none indictionis, predicta vero mandata
ego predictus Leucius de mandato predicti iudicis autenticavi et in hanc puplicam
scripturam redegi ad petitionem dicti Nicolai Freczarii et cautelam nobilis viri
domini Nicolai Friczie regii
secreti Apulie, nichil inde addito vel diminuto.
