Per litteras tuas magistris rationalibus magne curie nostre
missas accepimus, te ac Nicolaum
de Sancto Iohanne Rotundo,
tunc socium tuum in dictis officiis
de mandato Filippi filii nostri carissimi,
principis Tarentini, vices nostras in regno nostro
Sicilie
tunc gerentis, visa et attenta prius extimatione prima facta per te et dominum olim socium
tuum de mandato nostri culminis, utrique actenus destinati de reparatione palatii
ac domus Lacuspensilis
pro bis que ultra extimationem eamdem in lacu pensili
reparanda et in Sancto Gervasio reparata essent per
Landulfum comestabulum familiarum
et Andream de Venusio fideles nostros prepositos operi reparationis
palatiorum ipsorum, extimationem fieri fecisse denuo diligenter, que quidem extimatio computatis in ea unciis
auri duabus pro expensis prepositorum ipsorum ascendit ad summam unciarum auri viginti trium, tarenorum viginti
octo et granorum X, prout predicto tue littere continebant, nec huiusmodi summam pecunie adhuc pro reparatione
pretactu prefatis prepositis exsolvisse, super que volumus et fidelitati tue districte precipimus quatenus statim
receptis presentibus predictas uncias auri XXIII, tarenos viginti octo et grana decem ponderis generalis,
computatis in eis dictis unciis auri duabus, pro predictorum prepositorum expensis, de quacumque pecunia curie
officiorum tuorum existente vel futura per manus tuas, prefatis prepositis solvere et exibere procures ut pecuniam
ipsam, deductis inde dictis duabus unciis quas eos pro eorum expensis retinere volumus in predicta reparatione
convertant, mandato vel ordinatione aliquo in contrarium non obstante, et eo mandato precipue dudum facto de tota
dicti officii tui pecunia ospicii nostri grofferiis pro parte nostre camere assignanda cum negotia fiscalia
preferri velimus quibuscumque negotiis privatorum, recepturus de hiis que solveris apodixam. Sic etiam mandatum
presens huiusmodi effectualiter exequi studeas quod inculcari tibi proinde alias maiestatis nostre litteras non sit opus.
