Pro parte Nicolai de Lacupensuli
de Potentia regii fidelis et nostri
fuit excellentie nostre nuper expositum quod cum ipse certos emulos habeat qui,
propter necem per eos commissam in persona quondam episcopi gravinensis, patrui
exponentis eiusdem, forbanniti et foriudicati sunt per nostram curiam vicarie,
quique sibi mortis extitium comminantur, concedere ei et subscriptis
octo sociis suis ad eius defensionem et nullius offensam portationis
armorum licentiam dignaremur. Nos autem dicti Nicolai in hac parte
iustis supplicationibus inclinati fidelitati vostre presentium tenore
iubemus expresse, quatenus vos presentes iustitiarii, si prenominato exponenti
iusti timoris causam inesse conspexeritis, sibi et subscriptis octo eius sociis,
dummodo oriundi de regno sint vel alias domicilium habeant in eodem nec banniti
ac bone fame et conversationis existant, Recepta prius ab unoquoque ipsorum pro
parte curie ydonea fideiussoria cautione quod ex portatione dictorum armorum
aliquem indebite non offendant, petitam pro causa superius expressa licentiam
ad nullius tamen offensam, usque scilicet ad paternum et nostrum
sine nostrum beneplacitum et donec licentia non abutantur, eadem auctoritate
presentium concedatis, et demum tam vos presentes quam vos alii successive
futuri iustitiarii dictum exponentem eiusque socios infrascriptos pretextu
portationis armorum ipsorum dicto durante beneplacito et donec dicti timoris
causa duraverit non molestetis vel turbetis in aliquo nec molestari vel
turbari ab aliis permittatis, sic quidem quod si contingat aliquem vel alios
ex dictis octo sociis eius interdum egrotare vel ex causa a dicti Nicolai
recedere comitiva, in huius vel horum locum succedant alii qui de regno
sint aut domicilium in eodem habeant, per ipsum nominandi bone profecto
conversationis et fame similiter a quibus per vos iubemus recipi in
forma preposita sufficientem fideiussoriam cautionem. Itaque vos
presens iustitiarie et deinde vos alii futuri gradatine, si et
prout casus acciderit, fieri faciatis eidem exponenti super hoc
testimoniales nostras litteras harum seriem ac substitutionem
faciendam de dictis egrotantibus vel absentibus particulariter
exprimentes, nomina vero dictorum sociorum sunt hec videlicet:
Franciscus de dompna Plubella,
Robertus de Costa,
Guillelmus de Castellucio,
Palmerius de Castellucio,
Iohannes Cevolinus,
Guillelmus dictus paczu,
Iacobus de Minasso
et Petrus de Romania
Presentibus post oportunam inspectionem earum remanentibus presentanti,
dicto durante beneplacito vel usque quo ipsa sic concessa licentia in
abusum non transeat, valituras.
