cogitans intra me et diu considerans Deo obnixo posse placere temporalem scilicet postponendo vitam et eternam eiusdem dispensante clementia acquirendo, ad me venit Ioannes sacerdos Colubrarii qui et condam fuit meus notarius et deprecavit me ut eum quietum ab omnibus secularibus rebus cum cunctis suis rebus clamarem et ut Sancti Nicolai de Peratici ecclesiam concessionem cum cunctis suis pertinentiis libere, que iuxta flumen Signi posita est, quam pro mercede et peccatorum remissione non solum virorum verum etiam mortuorum, et ut verius dicatur pro salute et redemptione anime mee et viri mei domini R(iccardi) Senescalci et domni Alessandro di Chiaromontedomini et dominiRiccardo di Chiaromonte meorumque consanguineorum omnium Roberti videlicet Guiscardi invictissimi ducis et filii eiusdem domini Boemundi necnon domini Roggerii de Pomerada carissimi mei condam viri, deliberavi ipsum Ioannem sacerdotem cum suis rebus ab omni seculari servitio et concesi ei Sancti Nicolai predictam ecclesiam suisque successoribus cum omnibus que sibi iure pertinent, tali denique pacto talique tenere trado et offero eamdem ecclesiam (cum) omnibus sibi pertinentibus tibi tuisque successoribus ut amodo et usque in sempiternum possideatis et dominemini et absque omni mea meorumque heredum ac successorum contrarietate vel molestatione. Preterea concede ut potestatem abeatis affidare quantoscumque poteritis homines in ipsa ecclesia et ut in territorio Colubrari abitent; pactum quoque quod eis feceritis firmum et stabile permaneat quatenus nec a me nec a meis heredibus sive successoribus ullo in tempore removeatur seu infingatur. Insuper dono tibi tuisque successoribus proprie et perpetuo ad hopus eiusdem ecclesie terram que fuit mea propria et incipit a capite de terra de Fulco Malebende comodo descendit cursus aque usque ad terram de Anthimo et sicut (de)scendit canale usque ad predictam terram de Fulco, ad possidendum et dominandum qualiter annos et……reda et ego uno die unaque nocte possedimus et dominati sumus. Hec omnia vero superius………tibi predicto Ioanni sacerdoti quam et tuis successoribus ad possidendum…………propriamque voluntatem faciendum, sine omni mea meorumque heredum ac successorum contrarietate vel molestatione omni futuro tempore. Si quis autem hoc mee parvitatis donum disrumpere vel in aliquo minuere voluerit, omnibus maledixionibus que in Sacris Scripturis scripta sunt involbatur. Et quicumque temerario ausu infringere, minuere vel evacuare in aliquo tentaverit qualicumque ingenio seu occasione perpetuo anathemate anathematizetur, et a gremio Sancte matris ecclesie seu a corpore et sanguine Domini nostri Iesu Cristi omnimodo alienetur et gladio Sancti Petri in anima et corpore percutiatur et ad finem cum Iuda proditore domini partem abeat in die perditionis, nisi resipuerit et ad congruam emendationem venerit.
