Petrus de Vinea, Epistolarum libri VI

date

1253

author

Petrus de Vinea

title

Ep. II 27 (Delectat nos uobis de nostrae felicitatis...)

summary

Corrado IV si rivolge ai Cremonesi, con grandi lodi per la fedeltà dimostrata nei suoi confronti e, prima, verso suo padre, informandoli del suo buono stato di salute, del trionfo ottenuto sui ribelli nel Regno, e della sua intenzione di fortificare ulteriormente il suo esercito, nonostante ormai governi in Sicilia con il solo cenno della mano, non perdendo mai di vista i suoi interessi nell’Italia settentrionale.

bibliography

  • L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, p. 338
  • Par. lat. 8563, ff. 30v-31r

teibody

Eisdem, narrans suos euentus.

1. Delectat nos uobis de nostrae felicitatis euentibus noua describere, quos multae fidei multaeque deuotionis preclaritas, sicut firmiter credimus, auidos nostrae prosperitatis efficit auditores. 2. Dum enim gratitudines seruitiorum innumeras, quas dudum clarae memoriae domino genitori nostro prestantes constanter in filium transtulistis, diligenter aduertimus; dum uoluntatem uestram, quam mater alumpna fidelitas semper hactenus seruauit illesam, memori meditatione pensamus, libenter uobiscum familiaria status nostri uerba conferimus, cum quibus libenter etiam quoslibet prosperitatis nostrae successus presentialiter partiremur. 3. Noueritis igitur, quod diuina fauente gratia, quae semper dirigit gressus nostros, sospitatis corporeae uotiuus beneficio fruimur, et conculcatis undique rebellionis obstaculis, quae dudum, incognito potentiae nostrae brachio, palpitare quodammodo uidebantur, in regno nostro Syciliae potenter et uiriliter triumphamus. 4. Verum quamquam opus armis fore de cetero magnificentia nostra non credat, dum fidelibus nostris regnicolis omnimoda pace gaudentibus solo uerbo cuncta disponimus, et solus nutus imperat et gerit officium gladiorum, nichilominus tamen non sic otio uacandum fore censuimus, quin potentiam nostram terrae marisque uiribus continue muniamus, ut per hoc et acquisita in brachio potentiae nostrae possimus defendere, et circa partes Ytaliae, de cuius negotiis diligens nos cura sollicitat, habilius intendere ualeamus.

notes alpha

    notes int