Petrus de Vinea, Epistolarum libri VI
date
1220-1266
author
title
Ep. II 28 (Intellecto nuper, quod tu promptum...)
summary
Il sovrano si rivolge ad un nobile, esortandolo a continuare nelle faccende svolte in suo nome, in modo da ottenere la meritata ricompensa.
bibliography
- L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, p. 340
- Par. lat. 8563, f. 31r
teibody
Cuidam nobili, ut perseueret in operibus quae incepit.
1. Intellecto nuper, quod tu promptum gerens ad excellentiam nostram fidei et deuotionis affectum, seruitia quaelibet, quae honorem nostrum respiciunt, hylariter suscipis et in prosequendis eisdem laudabiliter te exerces, labores quoslibet non euitans, deuotionem tuam gratiosa laude prosequimur. 2. Et cum seruitia tua digna premiorum retributione respicere disponamus, fidelitatem tuam requirimus et hortamur, attente mandantes, quatenus laudabiliori fine continuans, quae laudabiliter incepisti, ad requisitionem... super omnibus, quae honoris nostri nominis augmenta contingunt, sic te prebeas operosum, ut, quod de commodis tuis firma iam mente concepimus, in actum deducere, tuis exigentibus meritis, merito ualeamus.
notes alpha
notes int