Petrus de Vinea, Epistolarum libri VI
date
luglio 1247
author
title
Ep. V 118 (Vestrorum corda, uelut Imperii fidelium...)
summary
Federico di Antiochia comunica a un ufficiale, per esortarlo a unirsi a lui nella guerra contro Parma, la vittora riportata dall’imperatore Federico contro la città emiliana. Gli acclude la trascrizione di una lettera ricevuta da suo fratello Enzo di Sardegna, in cui questi chiede a Federico di Antiochia di prepararsi per procedere insieme a sconfiggere definitivamente i Parmensi.
bibliography
- L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, pp. 990-1
- Par. lat. 8563, f. 86v
teibody
Idem super eisdem, et hortatio, ut se parent.
1. Vestrorum corda, uelut Imperii fidelium deuotorum, de prosperis nouis contingentibus recreari uolentes, de sinistro ciuitatis Parmensis, quod nuper accidit, eorum malitia insurgente, ut una nobiscum proinde recreati ad exaltationem serenissimi patris nostri et ad Parmensium ipsorum malitiam refrenandam, qui uiam rectam uerae fidelitatis obliti in sinistram partem eorum prauos animos conuerterunt, assumptis uiribus nostris et aliorum Imperii fidelium iurisdictionis nostrae, in manu forti contra eos uiriliter intendamus, uestra cognoscat sincera deuotio et commendanda fidelitas, nos a magnifico H., illustri rege Sardiniae, recepisse litteras in hac forma: 2. Nobili uiro F. de Antiochia, H., Dei gratia rex Turrium et Galluri, eccetera. 3. Volentes igitur predicta omnia cum celeritate, qua congruit, exequi, prout decet, uos pro parte serenissimi patris nostri requirimus et ex parte nostra hortamur attentius, quatenus statim, receptis presentibus, more solito fideliter ac deuote circa imperialia obsequia animorum uestrorum curam uigilem adhibentes, equis et armis apparatum laudabilem faciatis, quem tam grande negotium exposcit ad presens. Ita quod ad aliam requisitionem nostram tam fideliter quam laudabiliter una nobiscum, si opus fuerit, pro predictis, ut conuenit, ueniatis.
notes alpha
notes int