Petrus de Vinea, Epistolarum libri VI

date

1220-1250

author

Petrus de Vinea

title

Ep. V 119 (Milites uestros, quos ob nostrae reuerentiam...)

summary

Federico II comunica a una comunità della Tuscia di aver rispedito a casa i cavalieri che gli aveva inviato, e la esorta a restare sempre fedele e vigile ai servizi dell’Impero.

bibliography

  • L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, pp. 992
  • Par. lat. 8563, f. 86v

teibody

De remissione militum ad suum seruitium transmissorum, cum hortatione.

1. Milites uestros, quos ob nostrae reuerentiam maiestatis ad nostram presentiam uestra deuotio per operum efficaciam satis grata pro seruitiis nostris transmisit, quod acceptum gerimus, prouidimus hylariter ad propria remittendos. 2. Et quia uos inter ceteros fideles nostros de Tuscia ad seruitia nostra fore cognoscimus promptiores, fidem uestram constantem, quam ab experto cognoscimus, dignis duximus laudibus commendandam. 3. Monentes fidelitatem uestram pariter et hortantes, quatenus iuxta solitum morem circa nostrae serenitatis augmentum et obsequia fructuosa uestra parata existat deuotio. Ita, quod ipsa operum efficacia semper in excellentiae nostrae oculis uos commendabiles representet.

notes alpha

    notes int