Petrus de Vinea, Epistolarum libri VI
date
1247-1248
author
title
Ep. V 33 (Processus Pisanorum intolerabiles et enormes...)
summary
Federico II ordina a un ufficiale di invitare il Comune di Pisa a reprimere gli atti di aggressione che alcuni abitanti di quella città rivolgono agli abitanti del Regno, come denunciato in una lettera di C. di …, giustiziere in Sicilia.
bibliography
- L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, pp. 836-7
- Par. lat. 8563, ff. 76v-77r
teibody
Vt moneantur Pisani, quod desistant a molestiis regnicolarum.
1. Processus Pisanorum intolerabiles et enormes, qui fideles nostros regnicolas securitatis nostrae litteras deferentes, in Regno grauiter persequuntur, prout nuper per litteras C. de..., iustitiarii in Sycilia citra flumen Salsum, fidelis nostri, culmini nostro transmissas, accepimus, fidelitati tuae preuidimus reseruandas, ut per te in regione ipsa, presente Consilio ciuitatis Pisanorum, nostris fidelibus, debeant explicari. 2. Propter quod fidelitati tuae precipiendo mandamus, quatenus insolentias in dictis litteris comprehensas, illatas nostris fidelibus, ut est dictum, in Consilio predicto proponens, ex parte culminis nostri requiras Potestatem et Consilium ciuitatis predictae, quod Pisanos nauigantes sic de cetero studeant cohibere, quod contra regnicolas in Regno uel alibi aliquatenus de cetero non insurgant; nec eis in personis aut rebus molestias inferre presumant. 3. Si enim Pisani predicti, quod non credimus, ab eorum insolentiis non cesserent, maiestatem nostram non deceret eorum excessus ulterius tolerare.
notes alpha
notes int