Petrus de Vinea, Epistolarum libri VI
date
1242?
author
title
Ep. V 34 (Supplicauit excellentiae nostrae...)
summary
Chiusura di una lettera in cui Federico II ordina a un ufficiale di raccogliere la documentazione del processo in cui S. di … ha subìto una condanna penale, e di inviarla alla Magna corte perché l’appello venga discusso davanti a quei giudici. Allo stesso modo, resoconto scritto del processo deve essere fatto pervenire alla corte da parte del podestà davanti al quale si è svolto.
bibliography
- L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, pp. 838-9
- Par. lat. 8563, f. 77r
teibody
Conclusio super processu ad curiam destinando, in causa appellationis super criminali condempnatione.
1. Supplicauit excellentiae nostrae S. de..., fidelis noster, et cetera. 2. Nos autem ipsius supplicationibus benignius inclinati, fidelitati tuae mandamus, quatenus, si premissis ueritas suffragatur, si causa ipsa iudiciario ordine cognita extitit et sententialiter terminata, processum et formam condempnationis eiusdem sub tui sigilli impressione nostrae curiae studeas destinari. 3. Eidem Potestati nichilominus pro parte nostrae celsitudinis precepturus, ut similiter totum processum condempnationis eiusdem habitum coram eo ad nostram curiam sub suo sigillo destinare procuret, ut in ipsa causa per iudices magnae nostrae curiae, de processu predicto edoctos, procedatur, sicut iuri et honori nostri culminis uidebitur expedire. 4. Precepto per te facto eidem Potestati et Communi de syndico ipsorum ad nostram curiam destinando. Preterea et S. peremptorio termino assignato, quo se nostrae curiae representet, in causa eadem, prout conuenit, processurus, iustitia mediante. 5. Volumus insuper, ut de die citationis et termino per te statuendo tuis litteris debeas nostram curiam edocere.
notes alpha
notes int