Petrus de Vinea, Epistolarum libri VI
date
1220-1266
author
title
Ep. V 45 (Conquerente I. de..., fideli nostro...)
summary
Il sovrano ordina a un ufficiale di far sì che vengano restituite a I. di … le proprietà situate nel castello di …, che gli sono state sottratte durante il suo servizio per la corte da parte della signora L. di ….
bibliography
- L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, pp. 857
- Par. lat. 8563, f. 78r
teibody
Vt restituatur possessio destituto, in seruitiis curiae commoranti.
1. Conquerente I. de..., fideli nostro, nostra serenitas intellexit, quod, cum ipse pacifice et quiete teneret in territorio castri de... loco quasdam suas possessiones, ad eum rationabiliter pertinentes, L. de... mulier destituit eum absentem et in nostris seruitiis, sicut asserit, existentem, possessionibus antedictis, iuris ordine non seruato. 2. Super quo cum supplicauerit sibi per nostram excellentiam secundum iustitiam subueniri, ipsius supplicationibus, uelut iustitiam continentibus inclinati, fidelitati tuae precipiendo mandamus, quatenus, si tibi constiterit ita esse, possessiones ipsas a muliere prefata predicto fideli nostro restitui facias, ut est iustum, ne iustam super hoc causam habeat conquerendi.
notes alpha
notes int