Cum viri nobiles Franciscus Extantardus, dilectus patruus noster et dominus Bernardus de Parma, canonicus Aversanus
, exequtores testamenti quondam domini Thomasii Extantardi, genitoris nostri, circunspectos viros dominum Iohannem Casuteum, subcentonem Acerrarum, et
notarium Philippum de Parma
, latores presentium, pro capiendis et recuperandis et exhigendis ac vendendis omnibus bonis mobilibus et se moventibus ac pecuniis dicti quondam domini genitoris nostri et que extabant et debita erant eidem tempore mortis sue, que pro exequtione dicti testamenti sui, exceptis equis, equabus et armis nobis dimissis, in dicto suo testamento legavit et exceptis etiam vaccis ad fetum eligendis per dominum Guillelmum Malabuccam vel alterum ordinandum etiam per nos, utilibus et necessariis pro massariis nostris, pro exequtione dicti testamenti effectualiter faciendis ac insuper pro faciendis inquisitionibus de omnibus in quibus genitor noster aliquibus personis debitor appareret, ducant presentialiter destinandos. Nosque ut dicta exequtio testamenti effectum laudabilem et celerem exequatur totis affectibus capiamus, vobis omnibus et singulis precipiendo mandamus quatenus eidem in hiis omnibus predictis et singulis aliis quibuscumque, ad que eorum commisio se extendit, curetis devote intendere, respondere et efficaciter obedire, dantes eis in premissis vestrum conscilium, auxilium et favorem, circa eos taliter res gerentes, quod predicta celeriter valeant expedire et vos inde apud nos poxitis merito commendari. Datum Neapoli die octavo octubris duodecime indictionis.
