Nos Ioannes de Franchica Iudex civitatis Geracii, et Nicolaus de Santo Paulo Regius publicus notarius per totum Iustitiariatus Calabrie ordinatus et testes infrascripti vocati specialiter, et rogati praesenti publico instrumento notum facimus, et testamur. Quod nobilis vir Iudex Ioannes Scilandus de Stilo in nostra praesentia constitutus ostendit nobis, et publice legi fecit quasdam literas sibi directas per nobilem et discretum virum Ioannem de Lungarde de Fundis Secretum Ducatus Calabrie eiusdemque Secreti noto, et consueto sigillo de cera verde sigillatas cum inserta in eis forma quarumdam literarum, quas vidimus, legimus, et inspeximus diligenter, quarum tenor per omnia talis est.
Ad quarum literarum Ducalium executionem cupientes procedere cum omni sollicitudine reverenter, quam ad id exequendum nequivimus personaliter interesse aliis magnis arduis et expressionibus Curie servitis que nostram requirunt presentiam prepedit executionem earum vobis tenere praesentium duximus pro parte Curie fiducialiter committendum nobilitati vestre ex Ducali, qua fungimur authoritate, sub poena unciarum auri viginti expresse mandantes, quatenus forma predictarum Ducalium litterarum diligenter attenta et quorum nobis committitur per vos tenaciter observata commemoratos Dominus Fulconem, et Dominum Guglielmum de Sinopolo fratres, vel eorum procuratores, seu nuncios presentium ostensores in possessionem iam dicti tenimenti in prescriptis bonis, ut predicitur consistentis, eiusque iurium, et pertinentiarum omnium, cum hominibus, et vassallis eisdem de omnibus in quibus tenentur et debent iure fidelitate Regia et Ducale, predistinto annuo Censu et maiori, si maior proinde debeatur aliis Curie Regie, et Ducalis, et cuiuslibet alterius iuribus semper salvis. De esecutione vero presentium cum forma earum fieri faciatis tria publica consimilia instrumenta, quorum uno prenotatis fratribus, vel dictis eorum procuratoribus, aut nunciis tradito. Reliqua dum uno retento, infra dies decem, a die data praesentium in antea numerandis, infallibiliter transmittatis, et unum ipsorum mittendum ad Ducalem Cameram in Archivo ipsius Camere conservandum. Reliquo penes nos, ut diximus retento, pro nostri rationcinii tempore. Datum ut supra octava ianuarii, none inditionis. Ad quarum Litterarum tam Ducalium quam dicti Domini Secreti executionem debitam, idem Iudex Ioannes Scilandus cupiens procedere reverenter, statim receptis ipsis litteris pretitulato die, mensis Ianuarii, forma ipsa litterarum Ducalium, ac dicti Domini Secreti diligenter attenta. Authoritate, et Potestate predicta, ut supra concessa per predictum Secretum memoratos Dominus Fulconem, et Dominum Guglielmum de Sinopolo fratres, vel eorum procuratores ostensores Litterarum predictarum in possessionem iam dicti tenimenti in predictis bonis, ut predicitur consistentis, eiusque iurium et pertinentiarum omnium cum hominibus et vassallis iam dictis induxit authoritate litterarum presentium corporaliter, mandantes expresse homnibus et vassallis quatenus ex parte Regia et Ducali sub poena unciarum auri quinque, ut eisdem Dominis Fulconi et Guglielmo fratribus, intendant, et respondeant de iis omnibus in quibus tenentur et debent. Fidelitate Regia et Ducali predistinto annuo censu, et maiori, si maior debeatur aliis Regia Curie et cuiuslibet alterius, Iuribus semper salvis.
