Cum nuper a domino magistro Michele quasdam recepimus litteras inter alia continentes quod eumdem dominum comitem in corporalem possessionem predictorum omnium bonorum superius contentorum, que usque nunc nomine et opus predicti magistri domini Michelis in gabellam, et nomine gabelle, inducere et investire deberemus, dabenda, tenenda, possidenda, uti fruenda, gaudenda, per se et heredes suos in perpetuum, ac alias nomine suo, tamquam eorumdem bonorum verus dominus et patronus. Pro quibus bonis omnibus superius enarratis renunciandis et restituendis prefato domino comiti, per eumdem dominum magistrum Michelem, idem dominus comes remisit et relaxavit, ac cessit, et renunciavit prefato domino magistro Micheli, certam pecunie quantitatem, et alia bona mobilia, tradita et assignata, eidem domino magistro Micheli in dotem, et nomine dotis, quondam Colelle filie ipsius domino comitis contemplatione matrimonii, alias contracti inter nobilem virum Girardum de Cantono de Messana, filium ipsius domini magistri Michelise ex una parte, et dictam dominam Colella filiam eiusdem domini comiti ex parte altera, quod matrimonium per mortem prefate quondam domine Colelle exitit dissolutum. Idcirco nostra qua fungimur authoritatem, ex parte dicti magistri Michelis committimus et mandamus expresse quatenus statim receptis presentibus discretos viros Malgerium Thenito, vicecastellanum Castri Giracii, et Guglielmum Lananum familiares dicti domini comitis in testimonium publico nomine, et pro parte prefati domini comitis in corporalem et veram possessione omnium predictorum bonorum superius contentorum, inducere debetis authoritate presentium, et in eisdem bonis debetis ipsos ineffallibiliter investire caveas, ne in premissis aliquam committas negligentiam, vel defectum, seu inobedientiam.
