Quia intelleximus nuper quod domus palatii nostri
Lacuspensilis
indigent reparari et beneplaciti nostri est quod reparatione necessaria reparentur.
Instanter fidelitati tue firmiter et expresse precipimus quatenus statim receptis presentibus ad
palatium ipsum te conferas, et domos ipsius in hiis in quibus indigent bene et decenter reparari,
et aqueductus etiam per quos aqua derivatur ad fontem existentem penes ipsum palatium parari et
aptari de lapidibus vivis incisis. Ita quod destrui vel devastari non possint facias sine mora de
quacumque pecunia curie nostre, que sive de presenti generali subventione vel undecumque est vel
erit per manus tuas, facta prius diligenti et legali extimatione de omnibus et singulis que, tam
pro reparatione dictarum domorum, quam aptatura pred ictorum aqueductuum fuerint oportuna, et pro
quanta quantitate pecunie fieri poterunt, super quo fieri facias duo puplica consimilia instrumenta
continentia partes et loca singula in quibus domus ipse fuerint reparande, et pro qua quantitate tam
reparatio ipsa quam aptatura prodictorum aqueductuum fieri poterunt, cum nominibus et cognominibus
illorum per quos extimatio ipsa fiet particulariter et distincte, quorum udo tibi retento, aliud
magistris rationalibus etc. mictas et nichilominus hec omnia celeriter et per seriem nobis et eisdem
magistris rationalibus per licteras tuas studeas intimare, super cuius negotii expedictione celeri et
instanti eam diligentiam adhibeas et adhiberi facias et statuas quod predicte domus reparatione
aqueductus parate et aptate sint bene et studiose ad tardius per totum mensem madii proximo venientem.
Ita quod in adventu nostro illuc qui erit in proximo, duce deo, hec omnia inveniamus parata aptata et
reparata decenter et in domibus ipsis possimus comode et habiliter hospitari, tuque inde nostre
celsitudini comendandus occurras. Molendinum etiam, et furnum que ibidem dudum per te fieri iussimus
si nondum facta et completa sunt quod bono modo non credimus fieri et compleri facias celeriter et
instanter de pecunia supradicta iuxta nostrarum continentiam licterarum tibi exinde directarum. Ita
quod in predicto termino infallibiliter sint completa. Cantus existens quod predicta extimatio
legalis sit et fidelis quia si legalis non fuerit eam non acceptabimus et totum id in quo ipsam puram
et meram veritatem excesserit de tuo et illorum proprio qui ipsam fecerint exigi faciemus iuxta statutum
in hiis per curiam nostram factum.
