Volentes lacum nostrum Lacus pensilis
piscibus habundare providimus ut decem millia anguillarum parvarum vivarum in pantanis
nostris Versentini et Salparum capi debeant, et in barilis mundis et novis studiose
immitti, et ad lacum ipsum deferri et proici ibi, ut multiplicantur in lacu ipso qui
ad hoc noscitur esse optum. Ideoque fidelitati vestre precipimus quatenus ad requisitionem
Riccardi de Credulis
piscionarii fidelis et familiaris nostri anguillas ipsas per piscatores
ydoneos et expertos ad hoc deputandos per eum in pantanis ipsis capi et abunde extrahi libere
permittatis, exhibentes ei vel nunciis suis quos propterea miserit barilia ipsa necessaria et oportuna
pro delatione anguillarum ipsarum, et animalia viginti pro anguillis ipsis deferendis, que barilia
emere pretio quo poteris pro parte nostre curie meliori, et animalia conducere iusto et moderato
loerio, quod statutum nostre curie non excedit, de pecunia curie nostre nostri officii debeatis.
Apodixam de hiis que exhibueritis recepturi. Significaturi celsitudini nostre et magistris
rationalibus magne nostre curie quantitatem pecunie, quam solveritis pro pretio ipsorum barilium
et loerio dictorum animalium et ad quam rationem particulariter et distincte, ordinaturi cum eodem
Riccardo aliquem pro parte nostra, qui una cum eo usque ad predictum
lacum Lacuspensulis cum anguillis
ipsis debeat se conferre, cui mandetis ut si aliqua de animalibus ipsis affollari contiti gerit, alia
animalia condecentia pro hiis anguillis deferendis conducenda per eum de eadem pecunia curie nostro
que est vel erit per manus nostras statim debeat exhibere.
