De fide
prudentia et legalitate tua confisi tibi custodiam palacii ac defensarum et
forestarum Lacuspensilis mortuo nuper
Petro Gidio fratre tuo qui custodiam
ipsam de mandato nostro gerebat usque ad nostrum beneplacitum duxerimus
commictendam. Quocirca fidelitati tue precipimus quatenus statim receptis
presentibus ad partes ipsas te personaliter conferens, palacium ipsum cum
defensis et forestis eisdem ad honorem et fidelitatem nostram diligenter
et fideliter studeas custodire quod nulla in defensis et forestis ipsis
dapna per aliquos modo aliquo inferantur et proventus earum iuxta subscriptum
statutum curie nostre integre percipias fideliter conservandos, factis de
omnibus que tempore quo custodiam ipsam gesseris ex proventibus ipsis perceperis
quaternis debitis continentibus quantitatem et qualitatem totam pecunie victualium
animalium et aliarum rerum quarumlibet quos et que receperis nomina et cognomina
a quibus ipsa perceperis ob quam causam et tempus eciam perceptionis particulariter
et distincte, quorum uno tibi retento alium magistris rationalibus magne curie
nostre singulis tribus mensibus destinabis et in fine cuiuslibet trimestris
temporis compareas coram Johanne de Rivello magistro defensarum nostrarum fideli
nostro positurus de predictis omnibus finalem et debitam rationem et satisfacturus
de omnibus in quibus debitor apparebis, super quibus defensis custodiendis subscriptum
statutum quod servari consuevit et servatur de mandato nostro per alios custodes
defensarum et forestarum nostrarum tuo tempore tue custodie inviolabiliter debeas observare,
quod statutum tale est videlicet quod defensas et forestas ipsas diligenter et fideliter
studeas et facias custodiri et quod publice inhibeas et facias eciam inhiberi quod nulli
in defensis et forestis ipsis versari aut venari ad forciam vel ingenium absque licentia
nostra quoquomodo presumant. Item quod nullus audeat incidere vel incidi facere in defensis
et forestis ipsis sine licentia curie ligna vel lignamina viridia seu sicca. Item quod
nullus audeat immictere in forestis ipsis defensis animalia domita vel indomita cum
campanis vel sine campanis sine licentia curie pro sumendis pascuis vel glandibus seu
qualibet alia occasione et si intercipi contigerit homines et animalia ipsa in forestis
seu defensis ipsis contra prohibitionem eandem exigatur ab eis nomine pone pro qualibet
vice quantitas pecunie infrascripta videlicet, pro quolibet bove vel vacca tarenus auri
unus, item pro quolibet equo vel iumento tareni auri duo, item pro quolibet asino vel
asina tareni auri duo, item pro qualibet ove vel capra grana auri duo, item pro quolibet
porco vel scrofa grana auri quatuor, item pro quolibet bubulo vel bubula tarenus auri
unus, item pro quolibet animali quod intercipitur cum campana tareni auri septem et medius,
item pro quolibet homine vel muliere qui intercipitur in defensa ad coligendum glandes
tareni auri duo, item quando aliquis intercipietur in defensis venando capiatur et puniatur
pro arbitrio regio et si capi non poterit significetur per te nomen et cognomen eius,
item pro quolibet homine qui intercipietur in defensa incidendo ligna viridia tareni auri
septem et medius et si sicca fuerint tareni auri tres et grana quindecim. In affidandis
vero animalibus circa defensam non servatur certa forma sicut potes melius componere et
concordare cum patronis volentibus affidavi iuxta quantitatem et qualitatem animalium
affidandorum pro curie melioratione componas. Item inhibeas expresse et facias publice
inhiberi quod nullus cuiuscumque condicionis existat tribus mensibus anni videlicet
mensis aprilis, mai et iunii extra defensas seu forestas predictas eciam venari presumant
ad capriolas cervallos et daynellos quando cumque vero aliquis invenietur ipso tempore
contra inhibitionem eandem venando si Baro
fuerit vel miles qualibet vice solvat curie
pro pena uncias auri viginti quatuor si burgensis uncias sedecim, si villanus uncias
octo et si non poterit eas solvere arestetur et detineatur in carcere per annum unum.
Item si infra ipsum trimestre tempus aliquis inveniatur vendere pelles caprioli,
cervalli et daynelli solvat curie pro pena unciam auri unam nisi ostenderit venditorem
a quo pellem ipsam emerit, tunc enim ille qui pellem sibi vendiderit ipsam unciam auri
unam solvero curie teneatur et emptor liberabitur a pena. Item si aliquis cuiuscumque
condicionis existat inventus fuerit vendere vel vendi facere in macello vel alibi
carnes silvestres, porcinas, carnes cervorum seu cervarum capriorum capriolarum
daynorum et daynarum contra inhibitionem super hoc de mandato curie hactenus facto
per iustitiarium a quolibet eorum uncie auri quatuor pene nomine sicut inhibitio
ipsa continet pro parte curio vico qualibet exigantur, et quia te in officio ipso
expensis propriis nolumus laborare placet nobis ut dum custodiam ipsam de mandato
nostro gesseris expensas tibi retineas pro te duobus equis quos continue tecum
retineas ad rationem de tarenis auri duobus ponderis generalis per diem de proventibus
supradictis et pro tempore quo custodiam ipsam gesseris massariam aliquam habere non
debeas animalium seu capriorum non tamen intentionis nostro est quod occasione ponende
rationis predio te a custodia predicta recedas
