Cum hominibus Lacuspensilis
veteribus videlicet habitatoribus ipsius loci, qui nunc ibi morantur, et aliis de antiquis similiter incolis ipsius loci,
qui a loco ipso recesserunt et ad incolatum eiusdem terre redierint, in collectis et subventionibus generalibus
distributione et pretio nove denariorum monete immunitatem, per biennium, videlicet per totum presentem annum
tertie indictionis primo venture, de speciali gratia duximus concedendam, fidelitati tue precipiendo mandamus
quatenus, eisdem antiquis habitatoribus dicti loci, illis videlicet qui nunc ibi per predicti temporis
spatium immunitatem ipsam observes, et per distributionem nove monete ipsarum partium mandes et facias
observari. Ita tamen quod si aliquis proprio incolatu dimisso de novo se contulerit, vel contulerint
ad habitationem dicti loci, ut solutionem generalium collectarum et subventionum et aliarum exactionum
curie nostre effugiant, observari facias, immo in collectis et subventionibus ipsis ac pretio nove monete,
secundum facultatem eorum quotiens in partibus iurisdictionis tue generales subventiones et collecte
infra predictum terminum per nostram curiam imponentur vel nova moneta distribuitur, ipsos novos habitatores,
secundum quod facultates eorum exigerint, communicari facias et conferri, et quidquid et quantum qualibet
vice pro qualibet generali subventione et distributione nove monete ab eo exegeris vel exigi feceris,
magistris rationalibus etc. per litteras tuas studeas intimare ut in quaternis nostre curie redigantur.
