Intellecto quod domus palatiorum curie nostre Sancti Gervasii
et Lacuspensulis, necessario indigent reparari, volumus et fidelitati vostre procipimus,
quatenus facta diligenti extimatione de quantitate pecunie que pro reparatione huiusmodi necessaria
esse dignoscitur, ita quod nostra curia nequeat circumscribi cum vobis exinde incumbamus, pecuniam
ipsam de illa que est vel erit per manus vestras ex officiis vestris
Landulfo comestabulo et
iudici Manfredo de Potentia
habitatori Venusii, quibus exinde per alias litteras scribimus
expendendam per manus eorum in opere reparationis predicte, quos faciatis extimationi huiusmodi
interesse, statim exhibere caretis et recipere de hiis que dederitis ydoneam apodixam, mandato
vobis facto de tota pecunia grafferiis nostri hospitii destinanda, per quod effectus impediatur
presentium non obstante. Illa itaque circa hoc diligentia intendatis ut in nostro per partes ipsas
a proximo transitu, duce deo, domus ipse inveniantur ut expedit reparate, facientes fieri de
extimatione predicta particulariter et distincte duo puplica consimilia scripta, quorum alterum
assignetis dictis comestabulo et Manfredo
et alterum pro parte nostre curie conservetis.
