Pergamene Potenza - Fondo Fusco

Nos Iacobus de Bono Iohanne de Potencia annalis iudex civitatis eiusdem, Thomasius Strambus de Potencia puplicus ubilibet per provincias Principatus citra et ultra Serras Serras Montorii, Capitinate ac Basilicate regia auctoritate notarius et testes subscripti ad hoc specialiter vocati et rogati presenti scripto puplico instrumenti fatemur atque testamur quod predicto die eiusdem ibidem in nostri presencia personaliter constitutus vir venerabilis dompnus Lucas de Zoffo, cantor maioris ecclesie Potentine et procurator procuratorio nomine et pro parte capituli Potentini et yconomus agens, ut dixit, ex una parte, et Gaspar de Aprucio et Baldassar de Aprucio, fratres ex utroque parente subscepti, pro se et eorum heredibus particularibus et generalibus ex parte altera. Qui quidem cantor et procurator, ut supra, asseruit coram nobis et sue vive vocis oraculo loquendo quod noverit ad aures et plenam noticiam omnium clericorum capituli memorati ac suas pervenisset clara et lucida noticia ex quodam puplico confecto testamento per condam Margaritam de Garruba de Potencia, avam dictorum Gasparis et Baldassaris, in ultimis constitutam, legasse quandam terram sitam et positam in tenimento civitatis Potencie in loco ubi dicitur la Valle de Salicibus, confinatam ab una parte superiori iuxta vineam Ciccarelli Cappelle, mediante sepe et limite, ab alia parte iuxta terram ecclesie Sancti Girardi, mediante limite, ab inferiori parte iuxta terras ecclesie Sancti Francisci, mediante limite, iuxta vias puplicas dessendentes ad flumen magnum et alios fines, occupatam et detentam per eosdem Gasparum et Baldassarem ignorantes et nescientes legatum predictum predicte terre fore per eandem condam Margaritam avam ipsorum factum ecclesie Sancti Girardi pro luminariis ecclesie antedicte, et quoniam qui sine titulo possessionem accipit et retinet alienam aliquo tempore iuste possessionum comodum non accepit, nec penam insertam legibus evitabit, sed ignorantie causa peccatores exusat quod minime tenent et nichilominus predicti Gaspar et Baldassar coram nobis sponte et sine dolo et fraude et non vi, sed satagentes et divinum iudicium formidantes ne ipsum contra eos et eorum animos contraveniret et perveniret propter bona ecclesiastica indebite et occupata tenere, propter quod tam eis quam animabus eorum s‹c›elera gravissima multipliciter multisque formis et modis cumularet et ideo peccatorum eorum veniam misericorditer implorando coram nobis liberaliter et cum maxima devocione, corde et opera pro remissione peccatorum predicte condam Margarite, ave ipsorum, quod Creator omnium eidem indulgeat et ad vitam eternam perducat et conservat ex nunc prout ex tunc et tunc prout ex nunc dictam terram, confinatam ut supra, dederunt, tradiderunt et assignaverunt dicto cantori procuratori et iconomo capituli ecclesie supradicte ad habendum, tenendum et possidendum et recipiendum ex ea et de ea perpetue fructus, omne censum et reditum anno quolibet absque contrarietate anfracta predictorum Gasparis et Baldassaris, heredum et subcessorum eorum, vigore legacionis predicte dicto cantori procuratori, ut supra, presenti et recipienti pro parte ecclesie antefate, imponentes procuratorem predictum coram nobis recipientem pro parte dicte ecclesie et luminarie in veram proprietatem iamdicte terre. Promictentes predicti Gaspar et Baldassar per se et eorum heredes et subcessores dictam assignationem et traditionem dicte terre, sicut predicitur factam, gratam, ratam et firmam habere et perpetue observare et nuncquam contradicere, opponere vel venire, de iure vel de facto, aliqua occasione, modo, ingenio seu tractatu, puplice, palam vel occulte, sub pena et obligatione omnium bonorum ipsorum et ad penam per quemlibet ipsorum unciarum auri viginti, pro medietate silicet regie curie seu alteri ubi exinde facta fuerit reclamatio seu querela, et altera vero medietas eiusdem pene eidem cantori stipulanti, nomine et pro parte clericorum capituli memorati, inremissibiliter persolvetur, me predicto notario tamquam persona puplica pro parte dicte curie et dicto cantore nomine et pro parte dictorum clericorum, subcessorum suorum sollepniter et legitime stipulantibus. Et renunciaverunt dicti Gaspar et Baldassar exceptioni vi, doli mali, metus et in factum, presentis non sic celebrati contractus, exceptioni deceptionis et fraudis reique predicto modo non geste vel aliter habite, quam ut superius continetur et est expressum, legi dicenti generalem renunciationem non valere et legi per quod cavetur quod dicte legi renunciationem non valere, capitulis et constitutionibus regni et omni alii iuri et legum auxilio introducto per iura capitulorum et constitutionum regni, nec non omni alii iuri canonico et civili et legum auxilio vel alio quovis modo per quod seu que contra predictos Gasparum et Baldassarem inducendo adiuvare de obligatione predicta vel aliquo premissorum vel infrascriptorum et nunquam contravenire, facere vel quomodolibet allegare, dicere vel opponere. Certiorati prius dicti Gaspar et Baldassar per me predictum notarium et iudicem de omnibus beneficiis et auxiliis omnium legum et iurium predictorum hinc non expressorum quibus et propter que dicta assignatio et ratificatio et huius tenor posset in aliquo minui vel infringi. Et pro predictis omnibus actendendis et inviolabiliter observandis et predicta omnia vera ‹sunt›, predicti Gaspar et Baldassar dicto cantori coram nobis presenti et recipienti corporaliter tacta prestiterunt iuramentum, et voluerunt dicti contrahentes quod si aliqua iuris sollemnitas in presenti instrumento defficeret, tacite et expresse intelligatur in eo et totiens reffici et emendari possit ad consilium sapientis, donec eius opus fuerit veritatis tamen substancia non mutata. Unde ad futuram rei memoriam et dictorum Gasparis et Baldassaris preces et predictorum clericorum capituli seu cuius interest et poterit interesse cautelam, factum est exinde presens instrumentum per manus mei predicti notarii, signo meo solito signatum, mei qui supra iudicis et nostrum subscriptorum testium subscriptionibus roboratum.