Documenti medievali di Potenza tràditi nel volume della Sommaria

Nos Iacobus Carcialis annalis iudexcivitatis Potentie, Thomasius Strambus de Potentia publicus ubilibet per provincias Principatus citra et ultra serras Montorie ‹sic› ,Capitinate ac Basilicate regia authoritate notarius et testes subscripti ad hoc specialiter vocati et rogati, presenti scripto publico fatemur atque testamur quod in nostri presentia constitutus Antonellus de Stanp(is) de Potentia, non vi, dolo, metus ‹sic› ductus, ut dixit, nec aliquibus suasionibus circonventus, sed sicut sibi utile et expediens visum fuit vendidit, alienavit et per fusti ‹sic› tradicionem assignavit iure proprio et inperpetuum venerabibus ‹sic› viris domno Conicio de Bono Pari, archipresbitero ecclesie Sancti Girardi de Potentia et domno Luce de Zoffo, cantori predicte ecclesie et procuratoribus, ut dixerunt, eiusdem ecclesie et totius capituli ibidem presentibus, ementibus nomine et pro parte dicte ecclesie et totius capituli et clericorum eiusdem ecclesie recipientibus, orticellum unum situm in tenimento civitatis Potentie, in contrata ubi dicitur Sanctus Iohan(ne)s, silicet prope orticellum condam Mazei de Romagnano et ‹a› duabus partibus iuxta vias publicas su(m)ptus, sup(ra) ab alia parte iuxta vineam terre ‹sic› Machie Capell(i) mediante limite comuni, iuxta terras Francisci de Lacupensule mediante sulco seu valloncello et // (c. 401r) alios fines ad habendum, tenendum, possidendum, utifruendum, vendendum, alienandum, permutandum nec non et quocumque modo voluerint dicti procuratores, capitulum et clerici presentes successive futuri alienandum, cum viis suis, accionibus et pertinenciis omnibus spectantibus ad dictum orticellum quovis modo intrandi et exeundi, cum reditu affixo in dicto orticello anno quolibet granorum decem, solvendorum dicte ecclesie Sancti Girardi. Pro quo quideem ‹sic› orticello vendicto‹sic› et emptori ipsius, predictus venditor coram nobis confexus fuit se presentialiter et manualiter recepit et habuit a dictis procuratoribus solventibus nomine et parte dicte ecclesie, in carlenis argenti sexaginta per unciam et duobus pro tareno quolibet conputatis, usualis regni pecunie et ponderis generalis, tarenos quindecim, totum silicet precium venditionis ipsius. Item medietatem cuiusdam ysquitelli siti in tenimento civitatis Potentie, in contrata Pontis Sancti Heroncii, confinati ab una parte iuxta terram Ioannem ‹sic› de Stampis mediante budal(e) et decurse ‹sic› aquarum defluxentium ‹sic› ad molendinum Sancti Luce iuxta flumen magnum, ab alia parte iuxta viam qua itur ad pontem predictum nec non omnem aut(oritat)e(m) et accionem, p(roprie)tatem et dominium spectantes eidem Antonello venditum, quocumque via, iure, forma et modo, de cuiuscumque cursu aquarum sistencium et repertarum in toto tenimento civitatis Potentie in terris dicti Antonelli et ubique francas ipsas aquas et liberas, absque solup(ti)on(e) ducere et deferri facere ad omnes terras dicte ecclesie et luminarie habitas et infuturum habendas, ad omnem ipsius ecclesie et luminarie libitum et voluntatem francas, liberas // (c. 401v) et assentes sine aliqua soluptione, inpedimento realiter vel personaliter fiend(o), per clericos quam colonos lab(oran)t(e)s in terris dicte ecclesie et luminarie predicte pro irrigandis segetibus, linis et satorum omni genere ipsorum ubicumque sistente ‹sic› in tenimento civitatis Potentie, pro precio et nomine ultimi precii inter eos conventi tarenos quindecim, totum silicet pretium venditionis ipsius ysquitelli et aquarum decurse ‹sic›. Quod totum precium venditionis dicti orticelli, ysquitelli et concursi ‹sic› aquarum confexus fuit et se presencialiter et manualiter habuit et recepit a dictis procuratoribus pro parte dicte ecclesie et emptoribus, in carlenis argenti ponderis ut supra, unciam unam, totum et integrum precium venditionis ipsarum, promictens dictus Antonellus venditor per se et suos heredes et successores dictis emptoribus et procuratoribus dicti capituli presentibus et recipientibus pro se ipsis, nomine et pro parte dicte ecclesie et subcessorum ipsorum litem, controversiam, ligium et calumniam de dictis orticello, ysquitello et decursu aquarum ullo unquam tempore non inferre nec inferrenti ‹sic› consentire vel absentire, sed ipsam ratam, gratam et firmam ac rata, grata et firma habere, tenere et inviolabiliter observare et numquam contrafacere, dicere, opponere vel venire, in iudicio vel extra iudicium, de iure vel de facto, aliqua occasione, modo, ingenio seu tractare ac defendere, guarentire et disbrigare et de evictione giure ‹sic› teneri et perpetuo observare, sub pena unciarum auri quatuor, medietate silicet dicte pene regie curie vel alteri conpetenti curie ubi exinde facta fuerit reclamatio seu querela et alia medietate dictis procuratoribus emptoribus vel eorum subcessoribus persolvenda, me predicto // (c. 402r) notario tamquam persona publica pro parte dictarum curiarum et dictis emptoribus et procuratoribus pro se ipsis et eorum subcessoribus presentibus et ‹futuris› sollepniter stipulantibus penam ipsam. Qua soluta vel non soluta, commissa vel non conmissa seu gratiose remissa, predicta omnia, sic predicte et fertur, et singula in suo semper robore et efficaccia perseverent. Et renunciavit super hiis dictus venditor voluntarie et expresse pro cautela dictorum emptorum et subcessorum ipsorum exceptioni doli mali, vix et in factum, exceptioni deceptionis et fraude ‹sic› reique predicto modo non geste vel aliter habite quam superius continetur et est expressum, predicte peccunie non boni argenti, non libere ‹sic›, non ponderati, non habite, non recepte ac non numerate pecunie, legi ressissorie qua decepte ‹sic› ultra dimidiam iusti precii subvenitur et generaliter omnibus aliis auxiliis omnium iurium atque legum et specialiter iuri dicenti generalem renunciacionem non valere et iuri per quod cavetur quod dicto iuri renunciari non possit, quibus sufragantibus dicta venditio predictaque omnia possent in aliquo minui vel infringi; pro quibus omnibus actendendis et inviolabiliter observare ‹sic› et quod predicta omnia vera sunt, dictus vendictor prefactis emptoribus et procuratoribus presentibus et recipientibus coram nobis ad sancta Dei Evangelia corporaliter tacta iuramento prestiterunt ‹sic›. Unde ad futuram memoriam et dicti vendictoris preces et prefatuorum ‹sic› procuratorum emptorum et subcessorum eorum cautelarum ‹sic› factum est presens publicum // (c. 402v) instrumentum per manus mei predicti notarii, signo meo solito signatum, mei qui supra iudicis ac notarii subscriptorum testium subscriptionibus roboratum.