Documenti medievali di Potenza tràditi nel volume della Sommaria

Nos Thomasius Capanus de eadem civitate, ipsius civitatis in eodem anno ditte quartedecime indittionis annalis iudex, Stabilis not(arii) P(er)ri de Piceno, incola ditte civitatis Marsici, ubilibet per regnum Sicilie puplicus regia autotitate notarius et subscripti testes ad hoc specialiter vocati et rogati, presenti scripto puplico instrumento fatemur, notumfacimus et testamur quod dum quondam venerabilis in Christo pater et dominus Iacobus de Padula, episcopus Marsicensis , tempore vite sue suu(m) nuncupatum, finale et ultimum (con)didit testamentum, quod in puplicam formam fide vidimus oculata fattum et scriptum per manus mei preditti notarii, omni sollempnitate fallatum. In quo quidem testamento continebatur ipsum quondam dominum episcopum, solutum suum predittum ultimum testamentum, de omnibus legatis in eo, illud bonorum suorum remanentium remisit, cessit et plenam autoritatem dedit et potestatem Aymetto de Potentia, habitatori dicte civitatis Marsici, et Margarite uxori Antonelli de Auricula, de eadem civitate Marsici, epitropis et exequtoribus ditti testamenti liberare et assignare pro salute anime quondam eiusdem testatoris, ad arbitrium et voluntatem prefatorum epitroporum et exequtorum ut supra. Ipsi quidem epitropi et exequtores Minottus et Margarita, autoritate qua in testamento contenta, nullo iure cogente, sed eorum mera libera et spontanea voluntate, palam, puplice et bona fide, absque quolibet // (c. 21v) vitio doli vel metus atque cuiuslibet alterius fraudis seu pravitatis ingenio, donaverunt, assignaverunt et traddiderunt domino Iacobo Veritte de civitate Potentie, preposito ecclesie Santi Gerardi de Potentia et diacono Angelo de Viola de Potentie, sacristano ecclesie prelibate, nomine et pro parte luminarie ecclesie preditte Santi Gerardi de Potentia, pro salute anime et remissione peccatorum ipsius quondam domini episcopi testatoris, inperpetuum et insolutum, terram unam quam ipsi epitropi dixerunt fuisse ditti quondam testatoris, superstitam de dittis bonis legatis per prefatum quondam testatorem, sitam et positam in territorio ditte civitatis Potentie, videlicet in contrata ubi dicitur la Margina, in fine ab uno latere vie puplice, ab alio latere ‹in› fine R(iccar)di cantoris civitatis preditte Pot(entie) mediante comuni limite, ab alio latere ‹in›j fine alterius R(iccar)di ditti cantoris‹sic›, que dicitur Podius Donne Argente , mediante comuni limite et aliorum confinium‹sic›, ad habendum, tenendum, possidendum, utifruendum, donandum, dominandum, vendendum et alienandum et de ipsa et in ipsa terra faciendum tamquam de re propria ipsi luminarie omni tempore in futurum et quicquid per eandem luminariam fiendum utile visum fuerat, cum viis, attibus, iuribus, rationibus et (con)stitutionibus pleno iure ad eandem luminariam; renuntiantes et concedentes preditti epitropi prefatis domino Iacobo et diacono Angelo vel altero, nomine et pro parte ditte luminarie, ut quicquid de bonis superstitibus, tam mobilibus quam stabilibus, ditti quondam testatoris ipsi possent inquisire et inquisita aprehendant seu aprehendi facere et manuteneant et defendant ut de iure est expositum de terra preditta assignata eisdem et autoritate qua supra, licet prefati epitropi et exequtores ditti testamenti ass(ignati) silicet olim in anno nuper preterito tertie decime indittionis ‹sic› ditte luminarie dittam // (c. 22r) terram, ut dixerunt, dederunt et traddiderunt modo ut supra. Promittentes preditti epitropi et exequtores donationem ipsam per se ipsos et eorum her(edes) firmam, ratam et gratam semper habere et contra eam non venire aliquo tempore in futurum; tattis exinde Evangeliis sacrosantis quod si non fecerint aut donationem ipsam infringerint vel contra eam aliq(ui)d optemptaret, obligaverint se ad penam dupli extimationis ditte rei, solvenda pro medietate curie ubi exinde fierit reclamatio seu querela, et alia medietate dittis domino Iacobo et diacono Angelo vel altero nomine et pro parte ditte luminarie, me preditto notario penam ipsam pro parte curie stip(ulan)te; soluta pena ipsa sine strepitu iudicis et oblatione libelli et sola tamen presentis instrumenti obstensione, donatione nihilominus in suo semper robore duratura; renuntiaveruntque preditti epitropi et executores ut supra omni legi, ‹beneficio› canonum etiam et decretorum quod eis posset iuvamen aliquod inpartiri de cuius assignatione et donatione. Ipsi dominus Iacobus et diaconus Angelus, nomine et pro parte luminarie preditte, fieri petierunt competentem cautelam ‹et› nos predittos iudicem et notarium requisiverunt et testes et nostrum in hoc officium imploraverunt ut de assignatione et donatione ditte terre et aliorum bonorum inquirendorum per eos fatta per predittos epitropos et executores eiusdem, nomine et pro parte qua supra, sibi faceremus puplicum instrumentum. Nos enim preditti iudex, notarius et testes subscripti, ad petitionem ipsorum domini Iacobi et diaconi Angeli, nomine et pro parte qua supra, de predittis terra et aliis bonis inquirendis ut supra, causa testamenti preditti et donatione dittorum bonorum fatta eisdem per epitropos supradittos, fecimus hoc presens puplicum instrumentum, quorum requisitionibus iustis ut pote fattis quia nemini nostrum officium, quod est puplicum, denegare possumus nec debemus, maxime quia in predittis omnibus fuimus personales. // (c. 22v) Scriptum per manus mei notarii preditti, signo meo solito signatum et ad cautelam dittorum domini Iacobi et diaconi Angeli, nomine et pro parte qua supra, et certitudinem fattum est exinde presens puplicum instrumentum, per manus mei preditti notarii puplici, signis et subscriptionis qui supra iudicis et subscriptorum testium qui interfuerunt roboratum.