Cum in divina legitur pagina sicut aqua ignem extinguit ita elemosina peccatum. Nos igitur Raul Gencarellus, Perronus episcopus, Urso de Freda, Matheus Mariny, Iohannes Guerra, Urso de Cono, Urso de Ferro, Paganus Alfany, comes Iohannes Dalfii, presbiter Petrus de Truppo Bianese, presbiter Iaquintus de Guaraccus, Iohannes Cocus, Iaverius serviens de civitate Marsici qui sumus sortifices de ecclesia Sancti Petri Tramutule, remedio anime nostre nostrorumque defunctorum parentum animarum redemptione, annuente domina nostra Adelaia, gratia Dei comitissa de principatu, declaramus etenim bona et congrua voluntate nostra, presentia subscriptorum bonorum hominum testium concedimus, afferimus et per fustem tradimus ecclesie Sancte Trinitatis de Cava que sita est in loco Mitiliano, in qua domnus Falco nunc abbas preest, eandem predictam ecclesiam Sancti Petri de Tramutula, cum vineis et possessionibus suis omnibus, cum arboribus fructiferis et infructiferis et cum omnibus eiusdem ecclesie pertinentibus; eandem ipsam traditionem domno Iohanne Marsici eiusdem predicte ecclesie Sancte Trinitatis de Cava monacho et cappellano domni Falconis de Sancte Trinitatis ecclesia de Cava abbatis venerabilis, una cum advocato sibi tunc existente Roggerio milite filio Viti iudicis de civitate predicta recipiente. Ut amodo in antea sit de ecclesia Sancte Trinitatis predicte sine nostra et heredum nostrorum ac omnium hominum contrarietate et requisitione. Unde unanimiter vadiam eidem domno Iohanni predicto dedimus eandem cum advocato predicto recipienti, fideiussoribus positis Guilielmo Gualterii filio et Perrono Gannany et Ursone de Mele et Iohanne Opizi, Mario vicecomite, Ursone Bove et Marco filio Aymy, ut iam nec nos nec nostri heredes hanc eandem traditionis concessionem ac oblationem disrumpere vel removere seu substraere queremus nec nos nec per a nobis personas aubpositas. Et si taliter facere vel observare noluerimus ut prelegitur vel causationem cum domno Falcone nunc eiusdem predicte ecclesie Sancte Trinitatis ecclesia de Cava abbate aut cum successoribus eius veniamus, modo quolibet vel ingenio, obligamus nos et heredes nostros sibi vel suis successoribus componere solidos aureos reales viginti, et in puplico similiter, ipsis districtis fideiussoribus licentiam tribuentibus pigarandi se et suos heredes per eorum omnis pignara legitima et inlegitima sine columnia et appellatione, donec quod prelegitur inviti impleamus. Et hunc brevem concessionis, oblationis, traditionis atque obligationis scripsit Iohannes notarius qui interfuisse se confitetur, mense et indictione prelatis.
