Ante me Alexandrum iudicem testium inferius adsignatorum presentiam Mirabilia filia quondam cuiusdam Martini de Melle residens castelli Burgencie salernitanis finibus una cum mundio suo Guillelmo et cum Dominana matre sua vendiderunt ac tradiderunt quandam terram quondam iuste expatrimonio eidem Mirabili pertinentem quod ecclesiam Sancti Iacobi Burgencie videlicet que est omnino obediens sancte venerabilis Cavensi ecclesie que terra est in loco ubi vocatur Sanctus Blasius cuius fines ita declarantur. Pridem, ab oriente finis limes et termini et terra ipsius ecclesie Sancti Iacobi; a meridie finis vallonem; ab occidente finis limes et termini et vinea et terra Jaconi Ursi de Mundi; a septentrione finis terra quondam de Martino de Melle. Deinde redit in priorem finem. Hec igitur terra qualiter previdetur et fines et ea que seguuntur per ipsius circuitum decernuntur a fine in finibus taliter predicta Mirabilia cum predicto mundio et matre sua supradicte ecclesie eam vendiderunt ad habendum et dominandum et possidendum et omnia exinde faciendum que eidem ecclesie Sancti Iacobi placuit absque ipsarum contrarietate et eorum heredum cum etiam introitu et exitu suo et cum omnia intro se habenti hac possidenti, de qua non nobis nec ipsorum heredibus nec cuique homino aliquam reservaverunt portionem, sed ut prelegitur eam ipsi ecclesie inclitam et sine diminucione vendiderunt et pro causa confirmationis huius vendicionis seu adsignationis ipsi quidem prescripti venditores sicut inter eos res adfuit convenienda receperunt tarenos salernitanos octo, precio finito. Quapropter guadiam domno Roberto priori pro parte ipsius ecclesie dederunt et fideiussores posuerit Michaelem militem et Giullum balesterum et per ipsam guadiam et fideiussores positos obligaverunt se suosque heredes ut hanc venditionem contra omnes homines eidem ecclesie obsistant ac undique defendant et omni tempore quod si non potuerint aut noluerint eidem ecclesie defendere sive pro quibuslibet modis vel ingeniis removere atque disrumpere quesierint te ipsi et eorum heredes componant supradicte ecclesie decem aureas regales, deinde ut superius describitur defendant et … a modo et omni futuro tempore inviti.
