Petrus de Vinea, Epistolarum libri VI

date

agosto 1246

author

Petrus de Vinea

title

Ep. III 48 (Innata cordi nostro benignitas, circa fidelium...)

summary

Federico II concede a tutti coloro che sono usciti dal regno di Sicilia di poter tornare senza incorrere nel sospetto di esserne fuggiti. Sono esclusi da questa possibilità coloro che si sono resi colpevoli di aver attentato alla persona dell’imperatore, di aver tradìto la sua maestà, di aver agito slealmente in occasione della controversia con il papa, oppure di crimini che hanno comportato la loro condanna in contumacia alla proscrizione. Il sovrano ordina infine a suo figlio di rendere pubblico il proprio decreto.

bibliography

  • L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, p. 591
  • Par. lat. 8563, f. 57v, M, Pa, Pr, V

teibody

Quod regnicolae, qui Regnum exiuerant et in Imperio commorantur, securius reuertantur.

1. Innata cordi nostro benignitas, circa fidelium nostrorum compendia continuis intenta uigiliis, tanto maiori cura de non minuendo, quin potius augendo, regno nostro Syciliae nos semper sollicitat, quanto Regnum nostrum ipsum prae ceteris Augustae fortunae bonis carius estimamus. 2. Audito igitur quam plures regnicolas de propriis profectos iam laribus, in locis ignotis et peregrinis affligi et fortasse dubitantes de reditu, dum timorem eis incutit, quae potuit oriri suspicio de recessu, nos, pietate solita eorum in hac parte formidinem submouentes, omnibus predictis redeundi licentiam indulgemus. 3. Illis tamen presentis indulgentiae nostrae gratia carituris, quos uel participatio nuper in personam nostram concepti sceleris, uel alias in maiestatem nostram commissa uel tractata proditio, cum istis, nedum patria, sed cunctus terrarum etiam claudendus sit orbis, irremediabiliter de patria profugauit. 4. Illis etiam ueniae presentis beneficium denegamus, quos, propter preteritam uel presentem inter nos et papam discordiam, peruersorum nobis operum indicia manifesta notauere perfidia uel nostrae celsitudini fecere suspectos, uel qui, post nimis ipsorum induratam contumaciam, ex maleficiis aliis forbannitionis sententiam incurrerunt. 5. Eapropter filiationi tuae mandamus, quatenus omnibus de Regno, quos in quibuslibet iurisdictionis tuae partibus inueneris receptatos, presentis indulgentiae nostrae seriem facias publicare.

notes alpha

    notes int