Petrus de Vinea, Epistolarum libri VI

date

1239-1250

author

Petrus de Vinea

title

Ep. IV 5 (Audito nuper quod mordentis omnia mortis...)

summary

Federico II scrive al conte di Caserta per consolarlo della morte del fratello vescovo.

bibliography

  • L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, p. 731
  • Par. lat. 8563, f. 68r-v

teibody

Litterae consolationis B. comiti Casertano lugenti de morte episcopi fratris sui.

1. Audito nuper quod mordentis omnia mortis impietas M. uenerabilem Tholosanum episcopum, fratrem tuum, fidelem nostrum, tibi nunc ad presentiam nostram uenire parato non sine plurium detrimento subtraxit, passionibus tuis satis affectuose compatiendo doluimus; etsi siue ope uel opibus recuperari defunctum, aut alia compassione redimi natura permitteret, nostra propterea libenter aperuissemus eraria, et alia quelibet oportuna subsidia misissemus. 2. Sed quia quod semel subripuit mors debitrix, mors auara non reddit, dolori tuo, quem multi tecum libentissime partirentur, consolationis unguenta porrigimus, et gratiae nostrae remedia propinamus, deuotioni tuae mandantes, quatenus, astringens lacrimas, refrenes suspiria et, more constantis uiri, tristitiae limites proinde nobis placiturus imponas.

notes alpha

    notes int