Petrus de Vinea, Epistolarum libri VI
date
febbraio 1246-novembre 1248
author
title
Ep. V 71 (Cum de prudentia et fidelitate...)
summary
Federico II ordina a Federico d’Antiochia di assegnare una non specificata capitania e un castello a I. di …, dall’imperatore stesso già nominato capitano, provvedendo a predisporre tre copie del documento di nomina.
bibliography
- L'epistolario di Pier della Vigna, coord. di E. D'Angelo, ed. crit. a cura di A. Boccia, E. D’Angelo, T. De Angelis, F. Delle Donne, R. Gamberini, Soveria Mannelli 2014, pp. 904-5
- Par. lat. 8563, f. 81v
teibody
Friderico de Antiochia, ut assignet uicariam cuidam, quem prefecit in capitaneum.
1. Cum de prudentia et fidelitate I. de …, fidelis nostri, confisi, ipsum capitaneum loci illius duxerimus statuendum, tuae fidelitati precipiendo mandamus, quatenus eidem I., fideli nostro, sic a maiestate nostra capitaneo ordinato, statim, receptis presentibus, castrum ipsum et capitaniam cum captiuis, armis et rebus aliis ad curiam nostram pertinentibus, quae in tua pro parte nostra retines potestate, assignare procures. 2. Eumdem, ut conuenit, instituturus de ipsius custodiae circumstantiis, qualitatibus hominum et moribus regionis, sicut ad honorem et incrementum nostrae celsitudinis melius et cautius uideris expedire. 3. Mandamus preterea, quod de omnibus et singulis, quae sibi assignaueris, fieri facias tria scripta consimilia ad cautelam: unum quorum per te uolumus nostrae Camerae assignari: aliud uero penes te, et aliud penes eumdem I. fideliter conseruari, ut deponendi per nos ratiocinii nostri tempore similis eis conformitas habeatur.
notes alpha
notes int