Nos Bernardus Amfusi, iudex annalis dicti castri Collefecati, Berardos Rogerii de Territa, aucthoritate regius publicus castri Collefecati notarius, infrascripti contrahentes consenserunt expresse, ut in sui cum sciret ex certa eorum scientia, nos suos iudicem et notarium in hac parte non esse, iurisdictionem nostram voluntarie prorogando, et infrascripti testes ad hec vocati specialiter et rogati. Scripto presenti publico declarando, notum facimus et testamur, quod discretus vir abbas Nicolaus de Hostuno, procurator nobilis et egregie mulieris domine Aloisie de Arvilla, relicta quondam Franciscelli Filingerii, in nostra presentiam constitutam, ostendit et publice legi fecit quoddam publicum instrumentum procurationis ipsius in quo inter alia capitula ipsius instrumenti continebatur. Quod prima domina Aloisia constituerat et ordinaverat eumdem abbatem Nicolaum, suum verum et legitimum procuratorem, ad matrimonium contrahendum inter ipsam, ex una parte, et dominum Guglielmum Ruffum de Calabria militem, regium generalem capitaneum et iustitiarium Aprutii Ultra flumen Piscarie ex altera parte, de presenti acta et competentia ad matrimonium contrahendum, et ad dotem promittendum, pro eadem domina, eidem domino Gulielmo uUncias trecentum, et plus et minus, prout eidem abbati Nicolao procuratori videtur faciendum. Et Riccardus de Mayda procurator prefati magnifici viri domini Guglielmi, eodem modo publice legi fecit, quoddam publicum instrumentum procurationis ipsius in quo continebatur quod prefatus dominus Guglielmus constituerit eumdem Riccardum ad matrimonium contrahendum per verba, de presenti acta et competentia ad robur et firmitatem matrimonii, inter eumdem ex una parte, et prefatam dominam Aloisiam ex altera, ac etiam et promissionem dotis recipere a praefata domina et ad dotarium constituendum eidem domine. Qui predictus abbas Nicolaus, procurator prefate domine Aloisie, et Riccardus de Mayda, procurator predicti domini Guglielmi, in nostri qui supra iudicis, notarii, et testium subscriptorum presentiam constituti, volentes tam quam procuratores, et procuratorio, nomine predictorum, predictum matrimonium adimplere; predictus abbas Nicolaus procurator nomine ipsius domina, per verba de presenti matrimonium expressit cum dicto Riccardo, procuratore, de procuratorio nomine dicti domini Guglielmi, ac eumdem paratum nomine quo supra in suum legitimum maritum accepit, et versam vice predictus Riccardus, procuratorio nomine et pro parte dicti domini Guglielmi, per verba apta et competentia de presenti, matrimonium expressit cum dicto abate Nicolao procuratore predicte domina, et nomine ipsius, quo supra in suam legitimam uxorem accepit, fide et legalitate promissa, vicissim alii alteri per procuratores predictibus, procuratorio nomine, quo supra qui prefatus abbas Nicolaus, procurator dicte domina, procuratorio nomine, ipsius promisit et convenit in dotem, et dotis nomine, predicto Riccardo, nomine et pro parte dicti domini, predictam quantitatem trecentum unciarum, sibi a predicto abate Nicolao solemniter stipulante; et promisit idem abbas Nicolaus procuratorio nomine, quo supra predicto Riccardo procuratori tempore predicti matrimonii, carnaliter copulandi inter prefatos dominam Aloisiam, et dominum Guglielmum, fideiussores dare eidem domino Guglielmo idoneos et sufficientes de solvendo eidem predictam quantitatem trecentum Unciarum ad omnem requisitionem predicti domini Guglielmi, et si casus accideri quod dicta dos de iure fuerit, in casu restitutionis promisit predictus Riccardus, procuratorio nomine et pro parte dicti domini Guglielmi, predicto abati Nicolao, procuratori predictam, dotem restituere et reddere eidem domina, vel eius heredibus non expectata aliqua dilatione legati, et versa vice predictus Riccardus, procuratorio nomine et pro parte dicti domini Guglielmi, constituit dotarium predicto abati Nicolao recipienti, et sibi solemniter stipulanti ab eodem Riccardo, nomine et pro parte dicte domine Aloisie in unciis centum et duem, eidem Domine constituendo tempore dicti matrimonii, carnaliter copulandi, in pecunia vel rebus prout ipsa domina Aloisia elegerit presente dicto domino Guglielmus, et ratificante expresse predictam constitutionem dodarii. Et ad maiorem roboris firmitatem predicti procuratores iuraverunt, ad Sancta Dei Evangelia corporaliter tacto libro, et nominibus dictorum principalium, quod prefata domina Aloisia, et predictus dominus Guglielmus, omnia et singula supradicta adimplendum, et in nullo contrafacient de iure, vel de facto, sub poena Unciarum auri centum, nobis predictis iudicii et notario, medietatem ipsius poene, pro parte regie curie, et reliquam medietatem poenae.Parte observante, pro partem non observantem, a predictis procuratoribus, nomine quo supra, solemniter et legitimi stipulata et totitus committatur in poenam predictam, ita quod per eos, seu alium eorumdem contra predicta, et omnia et singula, factum fuerit, sive eventu. Qua poena exacta et voluta, vel non, nihilominus predicta omnia et singula in sua firmitate perdurant, et perpetuo iuris robore valida perseverent.
