Documenti medievali di Potenza tràditi nel volume della Sommaria

Tenore presentium mandamus vobis donno Iuliano archipresbitero Sancti Michaelis de Potentia, donno Nicolao de Porta, donno Colutio de Alma priostris et procuratoribus dicte ecclesie ac omnibus aliis clericis ecclesie ipsius Sancti Michaelis quatenus, vigore et autoritate presentium, ut bona ecclesie vestre omnia stabilia ubique sistentia ipsius ecclesie, que ipsa ecclesia habet in territorio civitatis Potentie et intus dictam civitatem in dannum ipsius ecclesie et vestrum preiudicium animale non pereant nec fraudentur a quempiam, per puplicum inventarium fiendum per vos cum omni diligentia ascribi et fieri faciatis instanter in vestrum et ipsius ecclesie comodum et honorem ac ad declarationem omnium futurorum; ascribi faciendo particulariter bona ipsa et non in aliquo obmictendo ‹sic› in fraudem ecclesie supradicte, sed singula in dicto puplico fiendo inventario ascribantur et alia que scribenda sunt non ammictantur quomodolibet vel perdantur / ut disparia paribus adiungantur et detur singularitas uni/cuique rei, que defectu negligentie sive fraudis non possint, nec valeant quomodolibet deperiri et in hoc nullam moram seu temporis negligentiam commictatis, sicut penam excomunicationis incurrere evitatis.