Documenti medievali di Potenza tràditi nel volume della Sommaria

Nos Gaspar de Apenna de Potentia, ipsius civitatis annalis iudex, Thomas ‹sic› Strambus de Potentia publicus ubilibet per provincias Principatus citra et ultra terras ‹sic› Montorii,Capitinate et Basilicate regia autoritate notarius // (c. 29r) et testes subscripti ad hoc vocati specialiter et rogati, presenti scripto puplico fatemur atque testamur quod in nostri presentia constitutus Angelus et Dominicus Russus de Potentia, non vi, dolo, metu duttus nec aliqualibus suasionibus circumcircumventus ‹sic›, quia sic sibi expediens visum fuit vendidit, alienavit et per fustim tradditionem assignavit iure proprio et inperpetuum donno Angelo de Todaro de Potentia, preposito et clerico mayoris ecclesie Potentine, ut dixit, ibidem presenti, ementi procuratorio nomine et pro parte ditte ecclesie et clericorum eiusdem ecclesie, ut dixit, et successore ‹sic›, terras quas idem Russus dixit tenere et possidere in tenimento civitatis Potentie, in contrata ubi dicitur lo vallone dello Char(n)o , prope Madam que dicitur de li Evetulivi, a fonte que dicitur Siribriele versus descensum terre, confinatas ab una parte iuxta terras que fuerunt quondam Siribriel(is) mediante limite comuni; ab alia parte iuxta terras domini Cicci mediante vallone de li Zer(n)i; ab alia parte inferiore et latere iuxta terras que fuerunt quondam iudicis Angeli mediante limite comuni; ab alio latere iuxta terras ecclesie Santi Gerardi qu[e] dicuntur de lo Cardone, ab alia parte iuxta terras que fuerunt quondam donni Martini [mediante] limit(e) et alios fines. Et dittus venditor prefatum emptorem in corporalem possessionem dittarum terrarum et coram nobis per fustem induxit ad verum dominum et potestatem ipsius emptoris, nomine et pro parte ditte ecclesie et clericorum eiusdem ecclesie et successorum ipsius, ad habendum, tenendum, possidendum, vendendum, permutandum et utifruendum, nec non et quocumque modo voluerit dittus emptor, nomine et pro parte ditte ecclesie et successores ipsius, alienandum, cum viis // (c. 29v) suis intus, infra et extra in dittis terris intrandis et exeundis atque cum omnibus aliis iuribus et pertinentiis suis eis pertinentibus, quovis modo. Nec qua venditione dittus venditor coram nobis confessus fuit et contentus se habuisse et manualiter recepisse a ditto emptore, presente ut supra nomine et pro parte [ditte] ecclesie, nomine pretii ultimi inter eos conventi in car(le)nis argenteis, sexaginta per unciam et duobus pro tareno quolibet computatis, tareni ‹sic› quindecim pongeris ‹sic› generalis, totum silicet pretium venditionis ipsius; promittens dittus venditor per se, suos heredes et successores ditto emptori procuratori, procuratorio nomine et pro parte ditte ecclesie et clericorum ipsius ecclesie et successorum eiusdem stipulanti, litem, controversiam vel questionem aliquam non inferre de dittis terris, nullo unquam tempore, nec inferenti consentire, sed dittas terras eidem emptori et suis successoribus ditte ecclesie ab omni homine et persona qu[a]cumque legitime defendere, guarentire et disbrigare et de evittione teneri et dittam venditionem et omnia et singula supraditta et infrascripta firmum et firma ac ratum et rata habere, tenere et nunquam contra facere vel venire, per se vel suos heredes et successores aut aliquos quovis modo, in iud(iti)o et extra, de iure vel de fatto, aliqua [o]ccasione, modo, ingenio seu trattatu, sub pena unciarum auri duarum, medietate ipsius pene curie reginali vel alteri curie ubi exinde fatta fuerit reclamatio seu querela, et altera medietate ditto emptori procuratorio nomine et pro parte ditte ecclesie et dittorum clericorum et successorum ipsius persolvenda, quotiens seu totiens fuerit exinde quomodolibet contra fattum, me preditto notario tamquam persona puplica pro parte ditte curie et ditto emptore et procuratore pro se et eiusdem ditte ecclesie et successorum ipsius a ditto venditore // (c. 30r) solempniter stipulantibus penam ipsam; qua (con)missa vel non, exatta vel non, soluta seu gratiose remissa, presens nichilominus instrumentum cum omnibus que in se continet in suo semper robore et efficacia perseveret, cum refettione omnium dannorum interesse et expensarum litis et extra que fuerint propterea quoquomodo, de quibus stari et credi debeat assertioni cum iuramento ditti emptoris procuratoris, ut supra, et eius successorum, nulla alia probatione et re(quisitio)ne quesita; et renuntiavit super hiis dittus venditor voluntarie et expresse pro cautela ditti emptoris procuratoris, procuratorio nomine et pro parte ditte ecclesie et successorum ipsius, ecception ‹sic› doli mali, vix metus et in fattum, presentis non sic celebrati contrattus, ecceptioni deceptionis et fraudis reique ditto m(od)o non geste vel aliter habite quam superius continetur et est expressum, ecceptioni ditte vero pecunie non numerate, non solute, non habite et non recepte et non boni argenti, legi ressisorie qua deceptis ultra dimidiam iusti pretii subvenitur et generaliter omnibus aliis auxiliis omnium iurium atque legum, specialiter iuri dicenti generalem renuntiationem non valere et iuri per quod cavetur quod ditto iuri renuntiari non possit, quibus et propterque ditta venditio et confessio et subscriptio huius terre possent in aliquo minui vel infringi. Pro quibus omnibus et singulis attendendis et inviolabiliter observandis et quodque preditta omnia et singula vera sint, predittus venditor prefato emptori, nomine quorum supra presenti et recipienti coram nobis, corporaliter tatta prestitit sic santa Dei Evangelia iuramentum. Unde ad futuram rei memoriam et preces ditti venditoris et cautelam ditti emptoris procuratoris, procuratorio nomine quo supra et successorum ut supra ipsius, fattum est exinde presens puplicum instrumentum per manus mei preditti notarii, // (c. 30v) signo meo solito signatum, mei qui supra iudicis ac nostrorum predittorum testium subscriptorum subscriptionibus roboratum.