Documenti medievali di Potenza tràditi nel volume della Sommaria

Nos Antonellus de Roto de Potentia ip[sius] civitatis annalis iudex, Thomasius Strambus de Potentia publicus ubilibet per provincias Principatus citra et ultra farum Montorie ‹sic› ,Capitinate et Basilicate regia authoritate notarius et testes subscripti ad hoc specialiter vocati et rogati, presenti scripto publico fatemur atque testamur quod predicto die eiusdem ibidem in nostri presentia constitutus notarius Franciscus de Stampa de Potentia non vi, dolo, metu ductus, ut // (c. 405r) dixit, nec aliquibus suasionibus circumventus, sed sicut sibi utile, expediens visum fuit, vendidit, alienavit et per fustis tradicionem assignavit iure proprio et inperpetuum venerabili viro dompno Luce de Zoffo cantori et procuratori maioris ecclesie Potentine, ut dixit, et totius capituli ibidem presenti, ementi et recipienti procuratorie ‹sic› nomine et pro parte dicte ecclesie et luminarie ipsius ecclesie et successorum ipsius, partem suam i[n]tegram contingentem cuiusdam ysquitelli, sitam et positam in tenimento civitatis Potentie, in contrata Pontis Sancti Hyeronimi , quam habet insimul et indivis[am] cum dicta ecclesia Sancti Girardi, confinatam ab una parte iuxta flumen magnum, iuxta viam seu s[tra]t[a]m publicam qua init ad predictam Potentiam, iuxta budale molendini monasterii Sancti Luce, iuxta partem dicti ysquitelli dicte ecclesie et alios confines si piens habet in omni latere circumcirca; item cessit [.........] inrevocabiliter inter vivos cursus omnium aquarum ubicumque existentium et reperientium in omnibus suis terris dicte ecclesie luminarie quilibet coloni laborantes in terris dicte ecclesie luminarie dictas aquas possint libere portare et conducere absque impedimento solucionis, molestia et contrarietate quibuscumque ac conduci facere ad rigandum segetes, sata et lina cuiuscumque speciei et generis sint in terris dicte ecclesie et luminarie habitis et in futurum // (c. 406r) habendis per omnes terras dicti notarii Francisci venditoris, quam aquam capere et capi facere ad omniam voluntatem et necessitatem procuratorum ipsius ecclesie et luminarie, nulla requisitione fienda per omnes procuratores dicte ecclesie dicto venditori vel suis heredibus et successoribus exinde quomodolibet impetrand[a], [c]um iuribus, proprietatibus inter et extra, in dicto [ysqu]itello et dicto cursu aquarum antiquitus et de iure per[tin]entibus quovismodo ad habendum, tenendum et possiden[dum], utifruendum, donandum, permutandum, vendendum [et] quocumque modo dictis procura/toribus et successoribusi ip[ius] predicte ecclesie et luminarie voluerint alienandum, cum [v]iis suis in dicto consquitello et cursu aquarum int[ran]di et capiendi et cum iuribus suis spectantibus quovis [mo]do. Pro qua quidem venditione dicti consquitelli et part[iculariter] excessione ‹sic› et donatione dicti cursus aquarum, dictus notarius Franciscus venditor coram nobis et dicto emptore nomine et pro parte dicte ecclesie confessus fuit se recepisse et manualiter habuisse in carlenis argenti, sexaginta per unciam et duobus pro tareno quolibet computatis, tarenis ‹sic› viginti usualis regni peccunie et ponderis generalis, totum libet precium venditionis ipsius; promittentes dictam venditionem per se, suos heredes et successores dicto dompno Luce procuratore pro se et dictis clericis dicte ecclesie ‹et› successoribus suis presenti et recipienti litem, controversiam // (c. 406v) vel questionem aliquam de dicta medietate dicti ysquitelli et decursu aquarum predictarum ullo unquam tempore inferre ‹nec› inferenti consentire vel assentire, tam in proprietate quam tenuta, sed ipsam venditionem et omnia et singula supradicta vel infrascripta ratam, gratam et rata, grata habere, tenere et perpetuo observare et contra ea non fa[cere], dicere et allegare vel venire, per se, suos her[edes] et successores, in iudicio vel extra iudicium, d[e i]ure vel de facto, aliqua occasione, modo, ingenio [seu] tractatu ac de evitione teneri contra quoscumque in[ritan]tes et molestantes ac impedien/tes venditionem dicti ysqu[ite]lli, excessionem ‹sic› cursus aquarum sub pena unciarum au[ri d]uarum de carlenis, pro medietate silicet dicte pen[e regie] curie vel alteri competenti curie ubi exinde facta fue[rit] reclamatio seu querela et alia medietate dicto dom[p]no Luce procuratori pro parte dicte ecclesie, luminarie et successorum ipsius persolvenda, me predicto notario tamquam persona publica pro parte dictarum curiarum et dicto emptore procuratore, ut supra, presenti et recipienti nomine dicte ecclesie et successorum suorum, pro se et nomine quorum supra, a dicto venditore solemniter stipulante et legitime penam ipsam. Qua soluta vel non soluta seu gratiose remissa, predicta vendictio, cessio et donatio sicut et omne predicta omnia et singula in suo robore semper robore ‹sic› et efficacia perseverent, cum refec(ti)one omnium damnorum interesse // (c. 407r) et expensarum lites ‹sic› et extra litem que fierent propterea quoquomodo, de quibus stari et credi debeat assercioni cum iuramento dicti emptoris et suorum successorum, nulla alia probatione quesita. Et renunciavit super hiis dictus venditor pro cauthela dicti emptoris et subcessorum suorum exceptioni doli mali, vix, metus et in factum, exceptioni deceptionis et fraudis reique predicto modo non geste vel aliter habite quam superius continetur ‹et est› expressum, exceptioni dicte vero pecunie non habite et non recepte, non numerate pecunie, non boni argenti, legi ressissorie qua decepte ‹sic› ultra dimidiam iusti precii sub[ve]nitur et generaliter omnibus aliis auxiliis et beneficiis omnium iurium atque legum et specialiter iuri dicenti generalem renunciari non valere et iuri per quod cavetur [quod predic]to iuri renunciari non potest, quibus suffragantibus dicta vendicio predictaque omnia possent in aliquo minui vel infringi. Pro quibus omnibus actendendis et inviolabiliter observandis et quod predicta omnia vera sunt, dictus vendictor prefati emptori coram nobis presenti et recipienti corporaliter tacta ad sancta Dei evangelia prestitit iuramentum; unde ad futuram memoriam et dicti venditoris preces et prefati emptoris pro parte dicte ecclesie et subscriptorum ipsius factum est presens publicum instrumentum // (c. 407v) per manus mei predicti notarii, signo meo solito signatum, mei qui supra iudicis ac nostrorum subscriptorum testium subscriptionibus roboratum.