Documenti medievali di Potenza tràditi nel volume della Sommaria

Nos Andreas de Lacupensuli iudex ipsius civitatis, Iacobus de Ingannulo de eadem civitate puplicus ubilibet per provincias Basilicate, Terre Bari , Capitinate, Principatus ultra citraque serras Montorii ac Terre Laboris ac comitatus Molisii regia authoritate notarius et testes subscripti ad hoc specialiter vocati et rogati, presenti scripto publico notumfacimus et testamur quod in nostri presentia constituti Franciscus et Bartholomeus fratres, filii condam Manfridi de notario Andrea de Potentia, eorum bona, gratuita et spontanea voluntate vendiderunt, traddiderunt, alienaverunt et per fustem ‹sic› traditionem assignaverunt iure proprio in perpetuum Thomasio de Conte de casali dicte civitatis Potentie, ibidem presenti et ementi pro se et eius heredibus, petiam unam terre sitam in territorio ipsius civitatis in contrata Macle de Calle, cuius hos dixerunt esse confines: a duabus partibus tenet Franciscus de notario Andrea; ab alia parte tenet Rogerius de dompna Betanya mediante vallono et ab aliis duabus partibus tenet dompnus Aymarius de Lacupensuli et siqui alii sunt confines, ad habendi ‹sic›, tenendi ‹sic›, possidendi ‹sic›, vendendi ‹sic›, donandi ‹sic›, permutandi ‹sic› nec non quocumque modo voluerint alienandi ‹sic›, // (c. 408v) cum accessibus et regressibus suis et cum viis eius in eam intrandi et exeundi atque cum omnibus aliis universis iuribus et pertinentiis dicte terre eisdem venditoribus pro ipsa terra aud ‹sic› ex ea sive ipsi terre pertinentibus quovismodo. Pro qua quidem vendicione predicti fratres venditores confexi fuerunt et contenti in nostri presentia se habuisse et manualiter recepisse a dicto Thomasio emptore, nomine precii, in carlenis argenti, sexaginta per unciam et duobus per tarenum quemlibet computatis, unciam unam et tarenos decem et octo ponderis generalis, totum silicet precium vendicionis ipsius, renunciantes exceptioni non numerate peccunie, non solute et non designate ‹sic› ac non boni seu electi argenti, legi ressissorie qua deceptis ultra dimidiam partem iusti precii subvenitur et omni alio beneficio omnium iurium atque legum quibus suffragantibus dicta posset vendicio et confexio seu dep(redic)ti huius tenor in aliquo minui vel infringi. Promittentes iidem venditores per se suosque heredes dicto emptori pro se suisque heredibus stipulanti litem vel controversiam de dicta terra ullo unquam tempore non inferre nec inferenti consentire, sed ipsam tam in proprietate quam in possessione sibi et suis heredibus legitime defendere, guarentire et disbrigare et predicta venditione et omnia et singula supradicta et infrascripta rata et firma // (c. 409r) habere perpetuo et tenere et nunquam contrafacere vel venire, per se vel suos heredes aud aliquem loco eorum, in iudicio vel extra, de iure vel de facto, aliquo ingenio seu tractatu, sub pena dupli precii supradicti, medietate ipsius pene reginali curie et altera medietate prefato emptori vel suis heredibus persolvenda, me predicto notario publico pro parte dicte curie et dicto emptore pro se suisque heredibus a iamdi[cti]s venditoribus legitime stipulantibus penam ipsam. Qua soluta vel non, predicta et subscripta omnia in suo nichilominus robore perseverent; pro quibus omnibus actendendis et inviolabiliter observandis prenominati fratres venditores prefato Thomasio emptori corpo[ra]lia coram nobis prestiterunt ad sancta Dei evangelia [iur]amentum. Unde ad futuram memoriam dictorum Francisci et Bartholi venditorum preces et dicti Thomasii emptoris et heredum suorum [ca]utelam [fa]ctum est exinde presens publicum instrumentum per manus mei predicti notarii, signo meo solito signatum, [mei] qui supra iudicis ac nostrorum predictorum subscriptorum testium signis et subscriptionibus roboratum.