Documenti medievali di Potenza tràditi nel volume della Sommaria

Nos Nicolaus de notario Andrea de Potentia annalis iudex ditte terre Potentie , Angelus de Bonapari puplicus eiusdem terre notarius et testes literati et inlitter[a]ti subscripti et subsignati ad hoc specialiter vocati et rogati, presenti scripto puplico notumfacimus et testamur quod constituta in nostri presentia nobilis mulier do(n)na Francisca de Lacupensuli, relitta quondam domini Angeli de Madio, legitima tutrice Angeli pupilli, filii quondam Francisci de Madio, filii ditti quondam domini Angeli de Madio et filii ditti quondam Francisci sui filii de Potentia, ex parte una, et donnus Andrea de notario Andrea et abas Bernardus de Episcopo colena et canonicus ac procuratori mayoris ecclesie Potentine, ex parte altera, consentientes prius in nos preditti clerici et canonici [et] procuratores ut supra tamquam in suos, cum scirent ex certa eorum scientia nos suos iudicem et notarium in hac parte non esse, preditta donna Francesca avia ditti Angeli pupilli et legitima tutrix ipsius, ut dixit, mero iure Romano vivens sicut ceteri homines et mulieres ditte terre Potentiam ab antiquo vixerunt et vivunt, non vi, dolo, metu nec aliqua suasione dutta, ut dixit, pro anima quondam domini Angeli avi ditti Angeli pupilli, cuius est legitima tutrix, et pro anima ditti quondam Francisci patris ditti Angeli pupilli et filii ipsius // (c. 25v) tutricis, non vi, dolo, metu nec aliqua suasione dutta, ut superius dittum est, dedit et traddidit titulo donationis ‹quo supra› nomine, inrevocabiliter inter vivos eisdem Andreę et abate Bernardo, clericis et procuratoribus ditte mayoris ecclesie Potentine, nomine et pro parte ditte mayoris ecclesie Potentine et nomine et pro parte ipsius subscripta recipientis ‹sic›, terras ipsius pupilli sitas in tenimento Potentie, in contrata Padii de Suspensis , his finibus circundatas; quarum ab una parte tenet ecclesia Santi Cinustrii mediante limite comuni; a secunda parte tenet idem abas Bernardus vineam suam; a tertia parte tenent heredes quondam Iohannis Nicolai de Lucupensuli ‹sic›; a quarta parta tenet camera Potentina mediante limite comuni; ac etiam pro luminaribus et satisfactione decimarum et pro anima ditti quondam domini Angeli de Madio et filiorum etcetera. Quapropter preditta domina Francesca eisdem domino Andreę et abati Bernardo c"lericis, canonicis et procuratoribus ditte mayoris ecclesie Potentine, pro parte ditte ecclesie, dedit pro satisfactione decimarum et luminaribus, pro anima ditti quondam domini Angeli de Madio, Francisci de Madio et filiorum eiusdem omini Angeli, ‹liberam et omnimodam potestatem› tenendi, possidendi in perpetuum predittas terras pro luminaribus ut supra, promittens insuper prefata domina Francesca eisdem donno Andreę et abati Bernardo clericis, canonicis et procuratoribus ipsius mayoris ecclesie Potentine per se suisque ‹sic› heredes et preditti procuratores pro se suisque heredibus stipulantes, litem vel controversiam predittis procuratoribus nomine quo supra et successoribus eius ullo unquam tempore nec inferre nec inferenti consentire, immo ipsas terras ab omni homine legitime defendere, authorizare et disbrigare et predittam donationem omnia et singula in perpetuum // (c. 26r) observare et rata habere et tenere et non contra facere vel venire, per se, alium vel alios, aliqua causa vel ingenio, de iure vel de fatto, in iudicio vel extra iudicium, sub pena unciarum auri quinque, medietate ipsius pene curie et reliqua medietate dittis donno Andreę et abati Bernardo procuratoribus ut supra et eorum successoribus si secus modo ‹sic› fieret applicanda, me prefato notario puplico pro parte ipsius curie ac dittis procuratoribus pro se et successoribus suis penam ipsam legitime et sollempniter stipulantibus. Qua pena soluta vel non, supraditta omnia et singula inperpetuum perdurent; et ‹ad› mayorem cautelam preditta domina Francisca in manibus ditti donni Andreę et abatis Bernardi procuratorum, ut supra, iuravit ad santa Dei Evangelia corporaliter per eam tatta supraditta omnia et singula per eam inperpetuum observare et quolibet ‹sic› premissorum facere ab omnibus observari.