Documenti medievali di Potenza tràditi nel volume della Sommaria

Nos Girardus de Caruba de Potentia annalis iudex civitatis eiusdem, Nicolaus de Lavena de Brandusio de Montanii publicus ubilibet per provincias Terre Laboris et comitatus Molisii, Principatus citra et ultraque serras Montorii, Capitinate, Basilicate, Terre Bari et Terre Ydronti regia et regali authoritate notarius et testes subscr[i]pti ad hoc specialiter vocati et rogati, presenti scripto publico notumfaci/ et testamur quod in nostri presentia constituti Galasius de Stampis et Angela, soror eius, de Potentie, mulier mero iure Romano vivens sicut ceteri homines et mulieres dicte civitatis Potentie ab antiquo vixerunt et vivunt, maior quatuordecim annis pro ut apparebat tam per aspectum corporis sui quam per assercione dicti Gilasii ‹sic› fratris sui, vendiderunt et per fustis traditionem assignaverunt iure proprio et in perpetuum domno Andrea notarii Andree de eadem terra, procuratori generali ad causas et negotia reverendi in Christo patris et domini // (c. 447v) domini Iohannis Dei et apostolice Sedis gratia episcopi Potentini et capituli Potentini, ut dixit, ibidem presenti procuratorio nomine et pro parte dictorum domini episcopi et capituli, ad opus videlicet luminariorum ecclesie Sancti Girardi, maioris ecclesie Potentine recipienti et ementi, omnes terras quas habebant ipsi venditores comuniter ‹et› pro indiviso ad dictam ecclesiam Sancti Girardi, sitas et positas in tenimento Potentie in contrata que dicitur Bulla Gu[e]ccu et Flomaria, quarum fines hos esse dixerunt: ab una parte tenet ecclesia Sancti Girardi, a tribus partibus tenent heredes quondam Manfridi de Calvello, iuxta terram Ianocci de Vertada et siqui alii sunt confines; item aliam petiam terre sitam in eadem contrata cuius fines hos esse dixerunt: ab una parte tenet Nicolaus de Basamorosa et ab alia parte tenet dicta ecclesia et siqui alii sunt confines ad habendum, tenendum, possidendum, usufruendum ‹sic› et permutandum terras predictas ad opus et utilitatem dictorum luminariorum, cum accessibus et egressibus suis usque in vias publicas omnibusque iuribus et pertinentiis // (c. 448r) suis. Pro qua quidem venditione dicti vendictores coram nobis se confexi fuerunt et contenti presentialiter recepisse et habuisse et manualiter ab eodem emptore nomine precii de peccunia iurium ‹sic› dictorum luminariorum, in carlenis argenti, sexaginta per unciam conputatis, uncias quatuor ponderis generalis, totum videlicet precium venditionis ipius, numeratas inter eos et depositas in quodam saccuculo ‹sic› pro ut vidimus et ins[p]eximus oculate; renunciantes exceptioni dicti venditores exceptioni ‹sic› doli mali, metus, vis et infactum, exceptioni etiam non numerate peccunie, non ponderati seu electi argenti, legi ressissorie qua deceptis ultra dimidiam iusti precii subvenitur in omni alii legum et iuris auxilio qua vel quibus dicta posset vendicio et confexio seu huius scripti tenor in aliquo annullari; et specialiter iuri dicenti generalem renunciacionem non valere; promittentes dicti venditores per se et heredes eorum dicto emptori pro se et procuratorio nomine et pro parte dictorum // (c. 448v) domini episcopi et capituli eorumque successorum stipulanti, litem vel controversiam eis vel eorum successoribus de predictis terris ullo umquam tempore non inferre nec inferenti consentire, sed ipsas tam in proprietate quam in possessione eis et eorum successoribus ab omni homine et universitate legitime defendere, autorizare et disbrigare et predicta venditione et omnia et singula supra et infrascripta firma et rata habere perpetuo et tenere et nunquam contrafacere vel venire, per se vel alium, aliqua ratione vel causa, de iure vel de facto, sub pena dupli precii supradicti, medietate ipsius pene regie et regali curie et reliqua medietate luminaribus dicte ecclesie persolvenda, me predicto notario publico pro parte eiusdem curie et dicto emptore pro parte dicte ecclesie sollemniter et legitime stipulantibus penam ipsam. Qua predicta pena soluta vel non soluta aut gratiose remissa, predicta omnia et singula firma perducent, iurantes insuper dicti venditores in manibus dicti emptoris ad sancta Dei evangelia corporaliter tacta predicta vendicione // (c. 449r) et omnia et singula suprascripta firma et rata habere perpetuo et tenere et nunquam contrafacere vel venire, per se vel alios seu alium, omni dolo et fraude cessantibus. In cuius rei testimonium et causa dictorum domini episcopi et capituli et eorum successorum ac predicte ecclesie venditionem perpetuam et cautelam, presens publicum instrumentum exceptione factum est per manus mei predicti notarii signo meo solito signatum, subscriptione mei predicti iudicis et nostrum subscriptorum testium subscriptionibus et subsignationibus roboratum.