Documenti medievali di Potenza tràditi nel volume della Sommaria

Nos Nicolaus de Lacupensuli de Potentia, annalis iudex ipsius civitatis, Franciscus notarii Iacobi de eadem civitate, puplicus ubilibet per totum regnum Sicilie reginali autoritate notarius per et testes subscripti, ad hoc specialiter vocati et rogati, presenti scripto puplico fatemur atque testamur quod in nostri presentia constitutus vir nobilis dominus Mattheus ‹de Abraam› de Marsico, civis et habitator ditte civitatis Potentie, non vi, non dolo, non metu duttus, ut dixit, nec aliquibus suasionibus circumventus, sed sua gratuita et spontanea voluntate, sicut sibi utile ‹et expediens visum fuit›, vendidit, alienavit et per fustem ‹sic› tradittionem assignavit, iure proprio et inperpetuum, Girardo de Picerno de eadem civitate Potentie, ibidem presentem ‹sic› pro se et suis heredibus recipienti et ementi, peciam unam terre quam dittus venditor habere, tenere et possidere se dixit in territorio ditte civitatis Potentie, in contrata de li Gattulini , in varco quod dicitur de Cotinella, iuxta terras Angeli Falifoci ab una parte, ab alia parte iuxta terras ecclesie Santi Luce medi‹ante› quodam valloncello, ab alia parte iuxta flumen et ab alia parte iuxta viam per dittum flumen et si qui alii sunt ‹confines›a. Et dominus venditor prefatum emptorem in corporalem possessionem ditte terre coram nobis per fustem induxit ad verum // (c. 38v) dominium et proprietatem ipsius emptoribush et hered(um) suorum ad habendum, tenendum, possidendum, vendendum, donandum, permutandum, nec non et quocumque modo voluerint dittus emptor et sui heredes alienandum, cum viis suis in ditta pecia terre intrandi et exeundi atque cum omnibus aliis iuribus et pertinentiis suis sibi pertinentibus quovis modo. Pro qua venditione dittus venditor coram nobis confessus et contentus fuit se habuisse et manualiter recepisse a domino emptore nomine pretii in carlenis argenti, duobus pro tareno quolibet computatis, tarenos quindecim ponderis generalis, totum s(cilicet) pretium venditionis ipsius, promittens dominus venditor per se suosque heredes, domino emptori pro se et suis heredibus supradittam litem, controversiam vel questionem aliquam de ditta pecia terre ullo unquam tempore non inferre nec inferenti consentire vel assentire, sed dittam peciam terre eidem emptori et suis heredibus ab omni homine et persona quacumque legitime defendere, guarentire et disbrigare et de evittione teneri et dittam venditionem et omnia et singula supraditta et infrascritta firmam et firma ac ratam et rata habere ‹et› tenere et nunquam contrafacere vel venire, per se et suos heredes aut aliquos quovis modo, in iudicio vel extra iudicium, de iure vel de fatto, aliqua occasione, modo, ingenio seu trattatu, sub pena dupli pretii supraditti, medietate ipsius pene curie regie vel alteri curie ubi exinde fatta fuerit reclamatio seu querela, et altera medietate ditto emptori vel suis heredibus persolvenda, totiens quotiens fuerit exinde quomodolibet contrafattum, me preditto notario tamquam persona puplica pro parte ditte curie et ditto emptore // (c. 39r) a prefato venditore penam ipsam sollempniter et legitime stipulantibus. Qua conmissa ‹sic› vel non conmissa, exatta vel non exatta, seu gratiose remissa presens notorium instrumentum cum omnibus que in se continet in suo semper robore et efficacia perseveret, cum refettionem da(m)norum interesse et expensarum litis et extra litem que fierent propterea quoquomodo, de quibus stari et credi debeat assertioni cum iuramento ditti emptoris et eius heredum, nulla alia probatione quesita; et renun(tiavi)t super hiis dittus venditor voluntarie et expresse pro cautela ditti emptoris et heredum suorum ecc(epti)oni ‹sic› doli mali, vis, metus et in fattum, presentis non sic celebrati contattus, ecc(epti)oni deceptionis et fraudis, rei preditto modo non geste vel aliter habite, quam superius continetur et est expressum, ecc(epti)oni ditte non numerate pecunie, non solute, non habite et non recepte ac non boni argenti, legi rescissionem qua deceptis ultra dimidiam iusti pretii subvenitur et generaliter omnibus aliis auxiliis et beneficiis omnium iurium atque legum, privilegiis et litteris quibuscumque et specialiter iuri dicenti generalem renuntiationem non valere et iuri per quod cavetur quod ditto iuri renuntiari non possit, quibus et propter que ditte venditio et confessio et scripti huius tenor possint in aliquo minui vel infringi; pro quibus omnibus et singulis attendendis et inviolabiliter observandis quodque preditta omnia et singula vera sint, dominus venditor preditto emptori presenti et stipulanti coram nobis corporaliter per eum captis sacrisantis Evangeliis prestitit iuramentum. Unde ad futuram memoriam et ditti domini Matthei venditoris // (c. 39v) preces et preditti Girardi emptoris et heredum suorum cautelam, fattum est exinde presens puplicum instrumentum per manus mei preditti notarii, signo meo solito signatum, mei qui supra iudicis ac nonnullorum predittorum subscriptorum testium subscriptionibus roboratum.