Documenti medievali di Potenza tràditi nel volume della Sommaria

Nos Iacobus de Asdo annalis iudex ipsius civitatis, Iacobus de Ingannulo de Potentia ‹puplicus› ubilibet per provincias Basilicate, Terre Bari , Capitinate, Principatus ultra citraque serras Montorii ac Terre Laboris et ac comitatus Molisii regia auttoritate ‹sic› notarius et testes subscripti ad hoc specialiter vocati et rogati presenti scripto publico declaramus, notumfacimus et testamur quod, preditto die, in nostri presentia constituti dopnus Camillus Millaranus, filius quondam Nicolai Millarani de Potentia, sicut sibi utile et expediens visum fuit, sua gratuita, spontanea voluntate vendidit, alienavit et per fustis tradditionem assignavit, iure proprio ‹et› imperpetuum, dopno Mattheo de Ogerio et diacono Nicolao de Inganulo de Potentia, canonicis et clericis ac prepositis in anno sextedecime inditionis mayoris ecclesie Potentine et Rogerio Gambono de Potentia ibidem presentibus, recipientibus et ementibus nomine et pro parte dittemaioris ecclesie Potentine et luminarie ipsius ecclesie, subscriptas ysclas que fuerunt ditti quondam Nicolai Millarani patroni, sitas in territorio ditte civitatis in contrata Mendaroli et Podii Suspensorum, iuxta ipsius ecclesie, viam murate, vineam magistri Gabrielis Strambi et notarii Francisci notarii Iacobi magistri, ecclesia Sancti Onufrii, vineam Petroni Martini, viam puplicam aputis et alios confines. Ipsosque emptores quo supra nomine dominus venditor per fustem in corporalem poxessionem ipsarum ischarum coram nobis induxit ad verum dominium et proprietatem eorum, quo supra nomine et ditte ecclesie et luminarie ipsius, ad habendum, tenendum, possidendum, vendendum, donandum quocumque modo pro augmento et comodo ditte ecclesie et ipsius luminarie voluerint alienandum, cum viis suis et ipsius ysclas intrandi et exeundi et cum omnibus aliis iuribus et pertinentiis suis et ipsis yschis pertinentibus quoquomodo. Pro qua venditione dominus venditor contentus et confexus fuit coram nobis se habuisse et manualiter recepisse a dittis emptoribus nomine quo supra in carlenis argenti, sexaginta per unciam computatis, uncias septem ponderis generalis, totum scilicet pretium (c. 178r) venditionis ipsius, promictens dictus venditor per se et suos heredes et successores dittis emptoribus quo supra nomine, presentibus et recipientibus et stipulantibus, litem vel controversiam de dittis yschis ullo umquam tempore non inferre nec inferenti consentire vel assentire, que dittas ysclas dittis emptoribus quo supra nomine et parte ecclesie et luminarie prepositis et clericis ac capituli ipsius et successoribus eorum ipsius ecclesie nomine tam in proprietate quam in possessione ab omni homine et persona quacumque legitima defendere, guarentire et disbrigare et de evictione teneri et dittam venditionem et omnia et singula supraditta et infr(ascritt)a ratam et firmam ac rata et firma habere, perpetuo tenere et numquam contrafacere vel venire, per se et suos heredes et successores aut aliquoque ‹sic› alios quovis modo, in iudicio vel extra iudicium, de iure vel de fatto, aliquo modo, ingenio seu trattatu, sub pena dupli pretii supraditti, medietate ipsius pene curie Sedis apostolice aut curie domini episcopi p(re)toris vel alteri curie ubi exinde fatta fuerit reclamatio seu querela et altera medietate dittis emptoribus quo supra nomine et ditte ecclesie et prepositis ac procuratoribus eis et suis successoribus persolveda, me ditto notario pro parte ditte curie ac dittis emptoribus quo supra nomine sollepniter stipulantibus penam ipsam; qua soluta vel non seu gratiose remissa, preditta venditio, confessio et predicta et subscripta omnia et singula in suo semper robore et efficacia perseverent, cum refectione et integra restitutione omnium expensarum dapnorum et interesse que fierent propterea quoquomodo dittaque pena ipsa totiens conmictatur et exigatur ad effectum a ditta venditione et heredibus et successoribus suis quotiens fuerit quomodolibet contra ventum. Et renuntiavit in hiis dittus venditor exceptioni doli mali, vis, metus et infattum, exceptioni deceptionis, fraudis reique preditto modo non geste, exceptioni ditte non numerate pecunie, non solute vel non habite et non recepte ac non boni seu bene ponderati argenti, legi ressissorie qua deceptis ultra dimidiam iusti pretii subvenitur, beneficio fori, beneficio restitutionis in integrum et generaliter omnibus auxiliis et beneficiis // (c. 178v) omnium iurium atque legum et privilegiis quibus cumque et specialiter iuri dicenti generalem renuntiationem non valere et iuri per quod cavetur quod preditto iuri renuntiari non possit, quibus suffragantibus et propter que ditte venditio et confessio seu scripti huius tenor possent in aliquo minui vel infringi. Pro quibus omnibus et singulis attendendis et inviolabiliter observandis et quod preditta omnia et singula vera sint et quod contra non fiat, dittus venditor dittis emptoribus coram nobis corporale prestitit ad Sancta Dei Evangelis iuramentum. Et voluit dittus venditor quod si aliqua iuris sollepnitate ‹sic› in presenti instrumento deficeret, tacite et expresse intelligatur in eo et totiens refici possit et emendari ad consilium sapientis quatinus oportuerit, veritatis tamen substantia non mutata. Unde ad futuram rei memoriam et ditti venditoris preces et prefatorum emptorum quo supra nomine et ditte ecclesie et luminarie ipsius cautelam, fattum est exinde presens puplicum instrumentum per manus mei predicti notarii, signo meo solito signatum, mei qui supra iudicis et omnium predittorum subscriptorum testium subscriptionibus roboratum.